NewsFootballSports

വിനീതിന്റെ ഇരട്ടഗോളില്‍ ബ്ലാസ്റ്റേഴ്‌സിന് തകര്‍പ്പന്‍ ജയം

കൊച്ചി: മലയാളിതാരം സി.കെ വിനീതിന്റെ ഇരട്ടഗോളില്‍ ഐഎസ്എല്ലില്‍ ചെന്നൈയിന്‍ എഫ്‌സിക്കെതിരായ മത്സരത്തില്‍ ബ്ലാസ്റ്റേഴ്‌സിന് തകര്‍പ്പന്‍ ജയം. ഒന്നിനെതിരെ മൂന്ന് ഗോളുകള്‍ക്കാണ് ബ്ലാസ്റ്റേഴ്‌സ് സ്വന്തം തട്ടകത്തില്‍ എതിരാളികളെ തകര്‍ത്തത്.

85-ാം മിനിറ്റിലും 88-ാം മിനിറ്റിലുമാണ് വിനീത് ബ്ലാസ്റ്റേഴ്‌സിനായി സ്‌കോര്‍ ചെയ്തത്. 22-ാം മിനിറ്റില്‍ ബെര്‍ണാഡ് മെന്‍ഡിയിലൂടെ ചെന്നൈയിന്‍ എഫ്‌സി മുന്നിലെത്തിയിരുന്നു. തുടര്‍ന്ന് എതിരാളികള്‍ നിരന്തരം ആക്രമണം അഴിച്ചുവിട്ടതോടെ ബ്ലാസ്‌റ്റേഴ്‌സിന് കളിയുടെ താളം വീണ്ടെടുക്കാനായില്ല.

എന്നാല്‍ രണ്ടാം പകുതിയില്‍ ഓരോ നിമിഷവും ബ്ലാസ്‌റ്റേഴ്‌സ് കളി കാല്‍ക്കീഴില്‍ ഒതുക്കുകയായിരുന്നു. 66-ാം മിനിറ്റില്‍ ദിദിയര്‍ കാഡിയനിലൂടെ ബ്ലാസ്റ്റേഴ്‌സ് സമനില പിടിച്ചു.

ഇതോടെ 15 പോയിന്റുമായി ബ്ലാസ്‌റ്റേഴ്‌സ് രണ്ടാം സ്ഥാനത്തെത്തി. ഹോം ഗ്രൗണ്ടില്‍ ബ്ലാസ്‌റ്റേഴ്‌സ് തുടര്‍ച്ചയായ രണ്ടാം ജയമാണ് നേടുന്നത്.

0 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close