മൊഹാലി : ഇംഗ്ലണ്ടിനെതിരായ മൂന്നാം ടെസ്റ്റിലും ഇന്ത്യക്ക് ആധിപത്യം. വാലറ്റവും, സ്പിന്നർമാരും ചേർന്നാണ് ഇംഗ്ലണ്ടിനെ അടിതെറ്റിച്ചത്. നാലാം ദിവസമായ ഇന്ന് തോൽവി ഒഴിവാക്കാനായിരിക്കും, സന്ദർശകർ പൊരുതുക.
മൂന്നാം ദിനം കളി നിർത്തുമ്പോൾ, ഇംഗ്ലണ്ട് രണ്ടാം ഇന്നിംഗ്സിൽ നാല് വിക്കറ്‍റിന് 78 റൺസ് എന്ന നിലയിൽ പതറുകയാണ്. .ഇന്ത്യയുടെ ഒന്നാം ഇന്നിംഗ്സ് സ്കോർ മറികടക്കാൻ ഇനിയും 56 റൺസ് വേണം.36 റൺസോടെ ജോ റൂട്ടും,റണ്ണെടുക്കാതെ ഗാരത് ബാറ്‍റിയുമാണ് ക്രീസിൽ. മൂന്ന് വിക്കറ്‍റ് നേടിയ ആർ.അശ്വിനാണ് ഇംഗ്ലീഷ് ബാറ്‍റിംഗ് നിരയെ കുരുക്കിയത്. നേരത്തെ ഇന്ത്യയുടെ ഒന്നാം ഇന്നിംഗ്സ് 417 റൺസിന് അവസാനിച്ചു.
