NewsTech

സെൽഫിക്ക് രണ്ട് ക്യാമറ; സെൽഫി പ്രേമികൾക്കായി അസൂസ് സെൻഫോൺ 4

ചാഞ്ഞും,ചരിഞ്ഞും നിന്നു എത്ര സെൽഫി എടുത്താലും മതി വരാത്ത സെൽഫി പ്രേമികൾക്ക് സന്തോഷ വാർത്തയുമായി അസൂസ്. സെൽഫിക്കായി രണ്ട് ക്യാമറയുളള തങ്ങളുടെ പുതിയ സെൻഫോൺ 4 സെൽഫി സീരീസ് ഇന്ത്യയിൽ പുറത്തിറക്കി. സെൻഫോൺ 4 സെൽഫി, സെൻഫോൺ 4 സെൽഫി പ്രോ എന്നിങ്ങനെ രണ്ട് മോഡലുകളിൽ പുതിയ ഫോൺ ലഭ്യമാകും.

5.5 ഇഞ്ച് ഫുൾ എച്ച് ഡി ഡിസ്പ്ലേയും 3000 Mah ബാറ്ററിയുമാണ് പുതിയ ഫോണിനുളളത്. ആൻഡ്രോയ്ഡ് 7.0 നൌഗട്ട് ഒഎസിലാണ് സെൻഫോൺ 4 സെൽഫി പ്രവർത്തിക്കുന്നത്.

സെൻഫോൺ 4 സെൽഫി:-

1.4 Ghz ഒക്ടാകോർ ക്വാൽകം സ്നാപ്ഡ്രാഗൺ 625 പ്രൊസസറാണ് ഈ മോഡലിലുളളത്. 16 മെഗാ പിക്സൽ റിയർ ക്യാമറയും 20, 12 മെഗാപിക്സൽ ഡ്യുവൽ സെൽഫി ക്യാമറയും സെൻഫോൺ സെൽഫിയിലുണ്ട്. 3ജിബി റാം, 4 ജിബി റാം എന്നിങ്ങനെ രണ്ട് വേരിയന്റുകളിൽ സെൻഫോൺ 4 സെൽഫി ലഭ്യമാകും.

സെൻഫോൺ 4 സെൽഫി 3ജിബി റാമും 32ജിബി ഇന്റേണൽ മെമ്മറിയുമുളള മോഡലിന് 9,999 രൂപയും, 4 ജിബി റാമും 64 ജിബി ഇന്റേണൽ മെമ്മറിയുമുള്ള മോഡലിന് 14,999 രൂപയുമാണ് വില.

സെൻഫോൺ 4 സെൽഫി പ്രോ:-

2 Ghz ഒക്ടാകോർ ക്വാൽകം സ്നാപ്ഡ്രാഗൺ 625 പ്രൊസസറാണ് ഈ മോഡലിലുളളത്. 16 മെഗാ പിക്സൽ റിയർ ക്യാമറയും, 12 മെഗാപിക്സൽ ഡ്യുവൽ സെൽഫി ക്യാമറയും സെൻഫോൺ സെൽഫി പ്രോയിലുണ്ട്. 4 ജിബി റാമും 64 ജിബി ഇന്റേണൽ മെമ്മറിയുമുള്ള ഒരു വേരിയന്റ് മാത്രമേ സെൻഫോൺ 4 പ്രോ മോഡലിനുള്ളൂ. 23,999 രൂപയാണ് സെൽഫി പ്രോയുടെ വില.

 

സെപ്റ്റംബർ 21 മുതൽ ഫ്ലിപ്കാർട്ട് വഴി അസൂസ് സെൻഫോൺ സെൽഫി സീരിസിന്റെ വിൽപ്പന ആരംഭിക്കും.

112 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close