പാലക്കാട്: കഞ്ചിക്കോട് ഗവൺമെന്റ് ഹയർസെക്കൻഡറി സ്കൂളിൽ പിടി (PT) പീരിയഡിനിടെ കളിക്കാൻ പോയ ആറാം ക്ലാസ് വിദ്യാർത്ഥികളെ കായികാധ്യാപകൻ മർദിച്ചെന്ന പരാതിയിൽ പൊലീസ് കേസെടുത്തു.
കായികാധ്യാപകൻ സാദിഖിനെതിരെയാണ് വിദ്യാർത്ഥികൾ പരാതി നൽകിയത്. മർദിച്ചതിന് പുറമെ അധ്യാപകൻ മോശമായ ഭാഷയിൽ സംസാരിച്ചതായും പരാതിയിൽ ആരോപിക്കുന്നു.
സംഭവത്തെ തുടർന്ന് വിദ്യാർത്ഥികളുടെ പരാതിയുടെ അടിസ്ഥാനത്തിൽ വാളയാർ പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു. സംഭവത്തിൽ സ്കൂൾ അധികൃതരിൽ നിന്നും വിശദീകരണം തേടാനും പൊലീസ് നടപടികൾ ആരംഭിച്ചിട്ടുണ്ട്.
