HealthWorld

പുതിയ ക്യാൻസർ മരുന്നുകൾ പലതും ഫലപ്രദമല്ലെന്ന് പഠനം

ലണ്ടൻ :  ക്യാൻസർ ചികിൽസക്കായി ഉപയോഗിക്കുന്ന പുതിയ മരുന്നുകളിൽ പലതും ഗുണപ്രദമല്ലെന്ന് പഠനറിപ്പോർട്ടുകൾ.യൂറോപ്യൻ മെഡിസിൻ റിസർച്ച് ഏജൻസി 2009 നും 2013 നും ഇടയിൽ അംഗീകാരം നൽകി വിപണിയിൽ എത്തിച്ച മരുന്നുകളിൽ 57 ശതമാനവും വേണ്ട വിധത്തിൽ ഫലപ്രദമാകുന്നില്ലെന്നാണ് റിപ്പോർട്ട്.

കഴിഞ്ഞ അഞ്ചു വർഷത്തിനുള്ളിൽ ക്യാൻസർ ചികിൽസക്കായി ഉപയോഗിക്കുന്ന മരുന്നുകളിൽ പകുതിയോളം മാത്രമേ രോഗികൾക്ക് അതിജീവനത്തിനുള്ള ശേഷി നൽകുന്നുള്ളൂ.

ലണ്ടനിലെ കിംഗ്സ് കോളേജും,ലണ്ടൻ സ്ക്കൂൾ ഓഫ് ഇക്കണോമിക്സ് ആന്റ് പൊളിറ്റിക്കൽ സയൻസും സംയുക്തമായി നടത്തിയ പഠനത്തിലാണ് ഈ വിവരങ്ങൾ വ്യക്തമാക്കിയിരിക്കുന്നത്.
നിലവിൽ വിപണിയിലുള്ള 23 മരുന്നുകളിൽ നടത്തിയ പരിശോധനയിൽ 11 എണ്ണം മാത്രമേ വേണ്ടവിധം ഗുണം ചെയ്യുന്നുള്ളുവെന്ന് കണ്ടെത്തി.

ലണ്ടൻ സ്ക്കൂൾ ഓഫ് ഇക്കണോമിക്സ് ആന്റ് പൊളിറ്റിക്കൽ സയൻസിലെ പ്രൊഫസർ ഹസെയ്ൻ നാസി യുടെ റിപ്പോർട്ടിൽ വ്യക്തമായ രീതിയിൽ മരുന്നുകളുടെ ഗുണങ്ങൾ തെളിയിക്കാതെയാണ് യൂറോപ്യൻ മാർക്കറ്റിൽ പുതിയ മരുന്നുകൾ എത്തിച്ചതെന്ന് വ്യക്തമാക്കിയിട്ടുണ്ട്.

യൂറോപ്യൻ മെഡിസിൻ റിസർച്ച് ഏജൻസിയും,ഉപഏജൻസികളും ഇത്തരം മരുന്നുകൾ സുരക്ഷിതമാണെന്ന് പറയുന്നുണ്ടെങ്കിലും,ഇവ രോഗികൾക്ക് എത്രത്തോളം ഫലം നൽകുന്നുവെന്ന് പരിശോധിക്കാറില്ല.

 

 

 

114 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close