Health

വാർധക്യത്തിലെ കാൻസറിനു പ്രോട്ടോൺ തെറാപ്പി ഫലപ്രദമെന്ന് പഠനറിപ്പോർട്ട്

വാഷിംഗ്ടൺ : വാർധക്യത്തിലെ ക്യാൻസറിനു പ്രോട്ടോൺ തെറാപ്പി ഫലപ്രദമെന്ന് പഠനറിപ്പോർട്ട്.

65 വയസ്സ് പിന്നിട്ടവർക്കിടയിൽ വ്യാപകമാകുന്ന എസോഫഗൽ ക്യാൻസർ ചികിൽസയിലാണ് പ്രോട്ടോൺ തെറാപ്പി കൂടുതൽ ഫലപ്രദമാകുക.

കണ്ഡനാളത്തിൽ നിന്നും വയറ്റിലേക്കുള്ള ട്യൂബിൽ പിടിപെടുന്ന എസോഫഗൽ ക്യാൻസറിന്റെ ടിഷ്യൂ പൂർണ്ണമായും നീക്കാൻ പ്രോട്ടോൺ തെറാപ്പിയിലൂടെ സാധിക്കും.

മയോ ക്ലിനിക്ക് ക്യാൻസർ സെന്റ്ർ,എംഡി ആൻഡേഴ്സൺ ക്യാൻസർ സെന്റ്ർ,യൂണിവേഴ്സിറ്റി ഓഫ് മേരിലാൻഡ് ക്യാൻസർ സെന്റർ എന്നിവ സംയുക്തമായി നടത്തിയ പഠനത്തിന്റെ റിപ്പോർട്ടുകളിലാണ് ഇക്കാര്യം വ്യക്തമാക്കിയിരിക്കുന്നത്.

സാധാരണ രീതിയിൽ എസോഫഗൽ ക്യാൻസർ രോഗികളായ വൃദ്ധരിൽ ചികിൽസക്കും,ശസ്ത്രക്രിയക്കും ശേഷം ഹൃദയ,ശ്വാസകോശ രോഗങ്ങൾ പിടിപെടാറുണ്ട്.അതു കൊണ്ടുതന്നെ ഫലപ്രദമായ രീതിയിൽ കീമോതെറാപ്പിയോ,മറ്റ് ചികിൽസകളോ ഇവർക്ക് നൽകാനും സാധിക്കില്ല.

എന്നാൽ പഠനസംബന്ധമായി ഇവർക്ക് പ്രോട്ടോൺ തെറാപ്പി നൽകിയതോടെ ഇത്തരത്തിൽ ഹൃദയ,ശ്വാസകോശ രോഗങ്ങൾ പിടിപെടാനുള്ള സാധ്യത വളരെ കുറഞ്ഞതായി കണ്ടെത്തി.

65 വയസ്സ് പിന്നിട്ട 571 എസോഫഗൽ ക്യാൻസർ രോഗികളിലാണ് തെറാപ്പി പരീക്ഷിച്ചത്.

പഠനറിപ്പോർട്ട് ചിക്കാഗോയിൽ നടക്കുന്ന പാർട്ടിക്കിൾ തെറാപ്പി കോപ്പറേറ്റീവ് ഗ്രൂപ്പിന്റെ ആനുവൽ മീറ്റിംഗിൽ സമർപ്പിക്കും.

73 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close