NewsSports

ടീമുകളെത്തി; ഇനി കളി കാര്യവട്ടത്ത്

തിരുവനന്തപുരം: ഇന്ത്യ ന്യൂസിലൻഡ് പരമ്പരയിലെ മൂന്നാമത്തെയും അവസാനത്തെയുമായ ട്വന്‍റി 20 മത്സരത്തിനായി ഇരു ടീമുകളും തിരുവനന്തപുരത്തെത്തി. ആവേശകരമായ സ്വീകരണമാണ് ടീമുകൾക്ക് വിമാനത്താവളത്തിൽ ലഭിച്ചത്.

രാജ്കോട്ടിൽ നിന്നുള്ള ചാർട്ടേഡ് വിമാനത്തിൽ അർദ്ധരാത്രി 12.20 ഓടെയാണ് താരങ്ങൾ എത്തിയത്. രാത്രി വൈകിയും വിമാനത്താവളത്തിൽ കാത്തുനിന്ന ക്രിക്കറ്റ് ആരാധകർ വൻ കരഘോഷത്തോടെയാണ് തങ്ങളുടെ പ്രിയ താരങ്ങളെ വരവേറ്റത്.

തുടർന്ന് താരങ്ങൾ കോവളത്തെ റാവിസ് ലീല ഹോട്ടലിലേക്ക് പോയി.

ഇരു ടീമുകളും ഇന്ന് പരിശീലനത്തിന് ഇറങ്ങുമെന്നാണ് നേരത്തെ അറിയിച്ചിരുന്നെങ്കിലും ഇത് റദ്ദാക്കി. തുടർച്ചയായ മത്സരവും യാത്രയും മൂലമാണ് ഇന്നത്തെ പരിശീലനം റദ്ദാക്കിയത്. പകരം ഹോട്ടലിലെ ജിമ്മിൽ പ്രത്യേകം പരിശീലനം സജ്ജീകരിച്ചിട്ടുണ്ട്.

നാളെ വൈകുന്നേരം 7 മണിയ്ക്ക് കാര്യവട്ടം ഗ്രീൻ ഫീൽഡ് സ്റ്റേഡിയത്തിലാണ് മത്സരം നടക്കുക. വർഷങ്ങൾക്ക് ശേഷം അനന്തപുരിയിൽ ഒരു അന്താരാഷ്ട്ര ക്രിക്കറ്റ് മത്സരം നടക്കുമ്പോൾ അത് ആഘോഷമാക്കാനുള്ള തയ്യാറെടുപ്പിലാണ് ക്രിക്കറ്റ് പ്രേമികൾ.

1K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close