കാര്യവട്ടം: അനന്തപുരി ടീം ഇന്ത്യക്കൊപ്പം. ന്യൂസിലൻഡിനെതിരായ നിർണായക ട്വന്റി-20 മത്സരത്തിൽ ഇന്ത്യയ്ക്ക് ആവേശകരമായ ജയം. കാര്യവട്ടം സ്പോർട്സ് ഹബ്ബിൽ നടന്ന മത്സരത്തിൽ ആറ് റൺസിനാണ് ഇന്ത്യ കിവീസിനെ തകർത്തത്.
68 റൺസ് വിജയക്ഷ്യം പിന്തുടർന്ന ന്യൂസിലൻഡിന് എട്ട് ഓവറിൽ 61 റൺസെടുക്കാനേ സാധിച്ചുള്ളൂ. ജസ്പ്രീത് ബുമ്ര, യശുവേന്ദ്ര ചഹൽ എന്നിവരുടെ കിടയറ്റ ബൗളിംഗാണ് ഇന്ത്യക്ക് ജയം സമ്മാനിച്ചത്.
മഴയെ തുടർന്ന് എട്ട് ഓവറാക്കി ചുരുക്കിയ മത്സരത്തിൽ ഇന്ത്യക്ക് അഞ്ച് വിക്കറ്റ് നഷ്ടത്തിൽ 67 റൺസെടുക്കാനേ സാധിച്ചുള്ളൂ. ജയത്തോടെ ഇന്ത്യ 2-1ന് പരമ്പര സ്വന്തമാക്കി.
മാൻ ഓഫ് ദ മാച്ചും, മാൻ ഓഫ് ദ സിരീസും ജസ്പ്രീത് ബുമ്രയാണ്.
