NewsSports

സഞ്ജുവിന് സെഞ്ച്വറി; സന്നാഹ മത്സരം സമനിലയിൽ

കൊൽക്കത്ത: ഇന്ത്യ – ശ്രീലങ്ക ടെസ്റ്റ് ക്രിക്കറ്റ് പരമ്പരയ്ക്ക് മുന്നോടിയായി നടന്ന സന്നാഹ മത്സരം സമനിലയിൽ കലാശിച്ചു. ശ്രീലങ്കയ്ക്കെതിരെ ബോർഡ് പ്രസിഡന്‍റ് ഇലവൻ അഞ്ച് വിക്കറ്റിന് 287 റൺസ് എടുത്തു നിൽക്കെ മത്സരം സമനിലയിൽ പിരിയുകയായിരുന്നു.

നായകനും മലയാളി താരവുമായ സഞ്ജു വി സാംസണിന്‍റെ സെഞ്ച്വറിയാണ് ടീമിനെ തുടക്കത്തിലെ തകർച്ചയിൽ നിന്ന് കരകയറ്റിയത്. സഞ്ജു 143 പന്തിൽ നിന്ന് 128 റൺസെടുത്തു. രോഹൻ പ്രേം 39 ഉം സന്ദീപ് 33 ഉം റൺസ് എടുത്തു.

ശ്രീലങ്ക ഒന്നാം ഇന്നിംഗ്സിൽ 9 വിക്കറ്റിന് 411 റൺസ് എന്ന നിലയിൽ ഡിക്ലയർ ചെയ്യുകയായിരുന്നു. മൂന്ന് ടെസ്റ്റുകളുടെ പരമ്പരയിലെ ആദ്യ മത്സരം 16 ന് കൊൽക്കത്തയിൽ ആരംഭിക്കും.

Shares 276
Close
Close