NewsSpecial

ജനം ഗ്ലോബല്‍ എക്സ്ലന്‍സ് അവാര്‍ഡിന് ഇന്ദ്രപ്രസ്ഥം ഒരുങ്ങി

ന്യൂഡല്‍ഹി : ജനം ഗ്ലോബല്‍ എക്സ്ലന്‍സ് അവാര്‍ഡിന് ഇന്ദ്രപ്രസ്ഥം ഒരുങ്ങി. ഡല്‍ഹിയിലെ മുഴുവന്‍ മലയാളി സമൂഹത്തെയും പങ്കെടുപ്പിച്ച് നടത്തുന്ന പ്രഥമ ജനം ഗ്ലോബല്‍ എക്‌സലന്‍സ് അവാര്‍ഡ് നാളെ നടക്കും. ഡല്‍ഹിയിലെ കേദാര്‍നാഥ് സാഹ്നി ഓഡിറ്റോറിയത്തില്‍ നടക്കുന്ന പരിപാടിയില്‍ രാഷ്ട്രീയ സാമൂഹിക രംഗത്തെ പ്രമുഖര്‍ പങ്കെടുക്കും.

ആഗോള തലത്തില്‍ ബിസിനസ് രംഗത്ത് പ്രഗത്ഭരായ മലയാളികളെ ജനം ടി വി ചടങ്ങില്‍ ആദരിക്കും. ഇന്ദ്രപ്രസ്ഥ നഗരിയില്‍ വൈകിട്ട് നാല് മണിക്ക് ആരംഭിക്കുന്ന ചടങ്ങില്‍ രാഷ്ട്രീയ സാമൂഹിക രംഗത്തെ പ്രമുഖര്‍ പങ്കെടുക്കും.

കേന്ദ്ര പ്രതിരോധ മന്ത്രി നിര്‍മലാ സീതാരാമന്‍, വനം പരിസ്ഥിതി വകുപ്പ് മന്ത്രി ഹര്‍ഷ വര്‍ധന്‍, കായിക യുവജന ക്ഷേമ വകുപ്പ് മന്ത്രി രാജ്യ വര്‍ധന്‍ സിംഗ് റാത്തോഡ്, ടൂറിസം വകുപ്പ് മന്ത്രി അല്‍ഫോണ്‍സ് കണ്ണന്താനം, രാഷ്ട്രീയ സ്വയംസേവക് സംഘം സഹ സര്‍കാര്യ വാഹക് ഡോ കൃഷ്ണ ഗോപാല്‍, പ്രജ്ഞാ പ്രവാഹ് അഖില ഭാരതീയ സംയോജക് ജെ നന്ദ കുമാര്‍ തുടങ്ങിയവര്‍ പൊതു പരുപാടിയെ അഭിസംബോധന ചെയ്യും.

അവാര്‍ഡ് നിശയുടെ ഒരുക്കങ്ങള്‍ കേദാര്‍നാഥ് സാഹ്നി ഓഡിറ്റോറിയത്തില്‍ പുരോഗമിക്കുകയാണ്.അവാര്‍ഡ് നിശയ്ക്ക് വര്‍ണ്ണ പകിട്ടേകാന്‍ പ്രശസ്ത നടിയും നര്‍ത്തകിയുമായ പത്മശ്രീ ശോഭന അവതരിപ്പിക്കുന്ന നൃത്ത സന്ധ്യയും അരങ്ങേറും.

491 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close