NewsSpecial

ഇന്ദ്രപ്രസ്ഥമൊരുങ്ങി: ജനം ഗ്ലോബൽ എക്സലൻസ് അവാർഡ് ഇന്ന്

ന്യൂഡൽഹി: പ്രഥമ ജനം ഗ്ലോബൽ എക്സലൻസ് അവാർഡിനൊരുങ്ങി ഇന്ദ്രപ്രസ്ഥം. മികച്ച സംരംഭകർക്കുള്ള ജനം ടിവിയുടെ പുരസ്കാരം പ്രഖ്യാപിച്ചു. ഡൽഹി കേദാർനാഥ് സാഹ്നി ഓഡിറ്റോറിയത്തിൽ വൈകിട്ട് നടക്കുന്ന ചടങ്ങിൽ കേന്ദ്ര പ്രതിരോധമന്ത്രി നിർമ്മലാ സീതാരാമൻ മുഖ്യാതിഥിയാകും.

ആഗോള തലത്തിൽ ബിസിനസ് രംഗത്ത് പ്രാഗത്ഭ്യം തെളിയിച്ച 16 പേരാണ് പ്രഥമ ജനം ഗ്ലോബൽ എക്സലൻസ് അവാർഡിന് അർഹരായത്. കല്യാൺ സിൽക്സ് എംഡി ടി എസ് പട്ടാഭിരാമൻ, മലബാർ ഗ്രൂപ്പ് ചെയർമാൻ എം പി അഹമ്മദ്, ജ്യോതി ലബോറട്ടറീസ് എംഡി എം പി രാമചന്ദ്രൻ, ശീമാട്ടി സിഇഒ ബീനാ കണ്ണൻ, അഹല്യ മെഡിക്കൽ ഗ്രൂപ്പ് ചെയർമാൻ ഡോ. വി എസ് ഗോപാൽ, ചെമ്മണ്ണൂർ ഇന്‍റർനാഷണൽ ഗ്രൂപ്പ് ചെയർമാൻ ബോബി ചെമ്മണ്ണൂർ,

നന്ദിലത്ത് ജി മാർട്ട് ചെയർമാൻ ഗോപു നന്ദിലത്ത്, കൽപ്പന ഇന്‍റർനാഷണൽ സലൂൺ & സ്പാ എംഡി എലിസബത്ത് ചാക്കോ, വികെഎൽ &അൽ നമൽ ഗ്രൂപ്പ് എംഡി വർഗീസ് കുര്യൻ, ഐസിഎൽ എംഡി കെ ജി അനിൽ കുമാർ, പോപ്പീസ് ബേബി കെയർ എംഡി ഷാജു തോമസ്, മിനാർ ഗ്രൂപ്പ് ഓഫ് കമ്പനീസ് എംഡി എ മുഹമ്മദ് ഷാഫി, കെന്‍റ് കൺസ്‍ട്രക്ഷൻസ് ചെയർമാൻ ടി പി വിനയൻ,

പിഡിഡിപി സെന്‍ട്രൽ സൊസൈറ്റി ചെയർമാൻ ഫാ. സെബാസ്റ്റ്യൻ നാഴിയമ്പാറ, വി കെ വീസ് കാറ്ററിംഗ് എംഡി വി കെ വർഗീസ്, സോഫ്‍റ്റ് വേർ ഇൻക്യുബേറ്റർ ഐഎൻസി സിഇഒ പത്മകുമാർ നായർ എന്നിവർക്കാണ് പുരസ്‍കാരം.

വൈകിട്ട് ഡൽഹി കേദാർനാഥ് സാഹ്നി ഓഡിറ്റോറിയത്തിൽ നടക്കുന്ന പ്രൗഢഗംഭീര ചടങ്ങിലാണ് പുരസ്‍കാരങ്ങൾ വിതരണം ചെയ്യുക.

കേന്ദ്ര പ്രതിരോധ മന്ത്രി നിർമലാ സീതാരാമന് പുറമെ വനം പരിസ്ഥിതി വകുപ്പ് മന്ത്രി ഡോ. ഹർഷ വർധൻ, കായിക യുവജന ക്ഷേമ വകുപ്പ് മന്ത്രി രാജ്യ വർധൻ സിംഗ് റാത്തോഡ്, ടൂറിസം വകുപ്പ് മന്ത്രി അൽഫോൺസ് കണ്ണന്താനം, രാഷ്ട്രീയ സ്വയംസേവക സംഘം സഹ സർകാര്യ വാഹ് ഡോ. കൃഷ്ണ ഗോപാൽ, പ്രജ്ഞാ പ്രവാഹ് അഖില ഭാരതീയ സംയോജകൻ ജെ നന്ദകുമാർ തുടങ്ങി രാഷ്ട്രീയ സാമൂഹിക രംഗത്തെ പ്രമുഖർ ചടങ്ങിൽ  പങ്കെടുക്കും.

617 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close