EntertainmentSpecial

പ്രണയത്തിലെ ആണധീശത്വത്തിനെതിരെ ചോദ്യമുയർത്തി ഒ‌എം‌കെവി

പ്രണയവും മതം‌മാറ്റവും പ്രമേയമായ ഷോർട്ട് ഫിലിം ഓട് മതമേ കണ്ടം വഴി അഥവ ഒ‌എം‌കെവി സാമൂഹ്യമാദ്ധ്യമങ്ങളിൽ തരംഗമാകുന്നു. പ്രണയിച്ചതിനു ശേഷം സ്വന്തം മതത്തിലേക്ക് മാറാൻ നിർബന്ധിക്കുന്ന കാമുകനും അതിനെ ചെറുക്കുന്ന കാമുകിയുമാണ് ഹ്രസ്വ ചിത്രത്തിലെ പ്രധാന കഥാപാത്രങ്ങൾ .

നിനക്കൊന്ന് മതം മാറിയാലെന്താ.പേരിനൊരു മതം‌ മാറ്റം. അത് അത്ര വലിയ കാര്യമാണോ എന്ന കാമുകന്റെ ചോദ്യത്തിന് എങ്കിൽ പിന്നെ നിനക്ക് മാറിക്കൂടേ എന്ന മറു ചോദ്യമാണ് കാമുകിയിൽ നിന്നുണ്ടാകുന്നത് . പ്രണയ വിവാഹങ്ങളിൽ ആണിന്റെ മതത്തിലേക്ക് മാറാൻ പെൺകുട്ടികൾ നിർബന്ധിക്കപ്പെടുന്ന സാമൂഹ്യ പശ്ചാത്തലമാണ് ഇതിലൂടെ ഹ്രസ്വചിത്രത്തിന്റെ അണിയറക്കാർ മുന്നോട്ട് വയ്ക്കുന്നത് .

നിനക്കിതല്ലാതെ വേറെ വഴിയൊന്നുമില്ല , എന്നെ വിഷമിപ്പിച്ചിട്ട് അന്തസോടെ നീ ജിവിക്കില്ല എന്ന കാമുകന്റെ ഭീഷണിക്കും വ്യക്തമായ മറുപടിയാണ് കാമുകി നൽകുന്നത് . അന്തസ് എന്നത് ഒരാൾക്ക് മാത്രമുള്ള സംഗതിയാണോ എന്നാണ് കാമുകി ചോദിക്കുന്നത് . മതം‌മാറ്റത്തെക്കുറിച്ചുള്ള ചോദ്യവും അതിന് കിട്ടുന്ന വ്യത്യസ്തമായ മറുപടിയോടും കൂടി ഹ്രസ്വ ചിത്രം അവസാനിക്കുന്നു .

സാധാരണ ആണിന്റെ മതത്തിലേക്കല്ലേ മാറുന്നത് എന്ന കാമുകന്റെ ചോദ്യം കാലങ്ങളായി നിലവിലിരിക്കുന്ന ഒരു സാമൂഹ്യ സ്ഥിതിയെ വിലയിരുത്തുന്നതാണ് . പ്രണയത്തിലും ആണധികാരത്തിന്റെ അധീശത്വം നിലനിൽക്കുന്നു എന്ന് ചൂണ്ടിക്കാട്ടുന്ന ഹ്രസ്വചിത്രത്തിന്റെ സംവിധാനം നിർവഹിച്ചിരിക്കുന്നത് അഭിലാഷ് ശ്രീധരനാണ് .

2K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close