തിരുവനന്തപുരം :സ്വത്തിനേക്കാളും,പണത്തിനേക്കാളും മേലെ മകൻ ഷെയ്ൻ നിഗമിന് കൈമാറാൻ അബി കാത്തു വച്ചിരുന്നത് സ്വപ്നങ്ങളായിരുന്നു. സിനിമയിൽ തനിക്ക് കൈ എത്തി പിടിക്കാൻ കഴിയാതെ പോയ ആഗ്രഹങ്ങൾ.
നവംബർ 26 ന് ദോഹയിൽ നടന്ന യുഅവ് അവാർഡ് ദാന ചടങ്ങായിരുന്നു അബി പങ്കെടുത്ത അവസാന പൊതു പരിപാടി. മകൻ ഷെയ്ൻ നിഗമിന് പ്രോഗ്രാമിംഗ് സ്റ്റാർ അവാർഡ് സമ്മാനിക്കാനായിരുന്നു അബി ദോഹയിലെത്തിയത്.
ആ വേദിയിൽ ഒരു വിജയിയുടെ ചിരിയോടെയാണ് അബി നിന്നത്.മകന് അവാർഡ് സമ്മാനിക്കാൻ കഴിഞ്ഞതിന്റെ ചാരിതാർഥ്യത്തോടെയാണ് അബി തന്റെ അവസാന വേദിയിൽ നിന്നും മടങ്ങിയത്.
അബിയെക്കുറിച്ച് മകന് അഭിമുഖങ്ങളിൽ പറഞ്ഞത് ഇങ്ങനെയായിരുന്നു ‘വാപ്പച്ചി ഒരിക്കലും എന്നോട് നടനാകണമെന്ന് പറഞ്ഞിട്ടില്ല. ഒരു തരത്തിലും എന്റെ ഭാവി ഇങ്ങനെയാകണമെന്ന് വാപ്പച്ചി നിർബന്ധിച്ചിട്ടില്ല.അതിനും ഉപരിയായിരുന്നു ഞങ്ങൾ തമ്മിലുള്ള ബന്ധം‘.
