വാഷിംഗ്ടൺ: ആത്മഹത്യ പ്രവണത ഇല്ലാതാക്കാൻ പുത്തൻ പദ്ധതികളുമായി ഫേസ്ബുക്ക്. ആര്ട്ടിഫിഷ്യല് ഇന്റലിജന്സിന്റെ സഹായത്തോടെ ആത്മഹത്യാ പ്രവണതയുള്ളവരെ കണ്ടെത്തി അതില്നിന്ന് അവരെ പിന്തിരിപ്പിക്കാനാണ് ഫേസ്ബുക്ക് പദ്ധതി ലക്ഷ്യമിടുന്നത്. ജീവിതം അവസാനിപ്പിക്കാനുള്ള സൂചനകള് നല്കുന്ന പോസ്റ്റുകള്, കമന്റുകള് എന്നിവ സ്കാന് ചെയ്താണ് കണ്ടെത്തുന്നത്.
യുഎസില് കഴിഞ്ഞ മാര്ച്ച് മുതലാണ് ഫേസ്ബുക്ക് ഈ സംവിധാനം പരീക്ഷണാടിസ്ഥാനത്തിൽ നടത്തിയത്. ഇത് വിജയകരമായതോടെ ആഗോള തലത്തിലേക്ക് വ്യാപിപ്പിക്കുവാനുള്ള തയ്യാറെടുപ്പുകൾ ആരംഭിക്കുകയായിരുന്നു.
കമ്പനിയുടെ സോഫ്റ്റ്വയർ ഉപയോഗിച്ച് ‘ആര് യു ഓകെ?’ ‘ക്യാൻ ഐ ഹെല്പ്? ‘ തുടങ്ങിയ പ്രയോഗങ്ങള് നിരീക്ഷിക്കും. ഇതിലൂടെ ആത്മഹത്യാപ്രേരണ ഉള്ളവരെ കണ്ടെത്തുകയാണ് ചെയ്യുന്നത്.
ഏതൊക്കെ രാജ്യങ്ങളിലാണ് ഫേസ്ബുക്കിന്റെ സൂയിസൈഡ് ഡിറ്റക്ഷന് സോഫ്റ്റ്വെയർ അവതരിപ്പിക്കുന്നതെന്ന കാര്യം വെളിപ്പെടുത്തിയിട്ടില്ല.