MovieEntertainment

ഐഎഫ്‌എഫ്‌കെയുടെ സിഗ്നേച്ചർ ഫിലിമിൽ വിഗതകുമാരനില്ല

നാലു വർഷം മുൻപ് പ്രതിഷേധിച്ചത് കമൽ മറന്നോ ?

തിരുവനന്തപുരം : ഐ‌എഫ്‌എഫ്കെ പുറത്തിറക്കിയ സിഗ്നേച്ചർ ഫിലിമിൽ വിഗതകുമാരൻ ഇല്ല . 90 തികഞ്ഞ മലയാള സിനിമയുടെ വളർച്ച അടയാളപ്പെടുത്തുന്ന ഫിലിം ചലച്ചിത്ര മേളയോടനുബന്ധിച്ചാണ് പുറത്തിറക്കിയത് . ഇതിൽ ആദ്യ ചിത്രമായി കാണിക്കുന്നത് ബാലൻ ആണ്.

നാലു വർഷം മുൻപ് വിഗതകുമാരനേയും ജെസി ഡാനിയലിനെയും അവഗണിച്ചതിൽ പ്രതിഷേധിച്ച് സെല്ലുലോയ്ഡ് എന്ന ചിത്രം പ്രദർശിപ്പിക്കാതെ സംവിധായകൻ കമൽ പ്രതിഷേധിച്ചിരുന്നു. ആ കമൽ തന്നെ അക്കാദമി ചെയർമാനായിരിക്കുന്ന കാലത്താണ് വിഗതകുമാരന് അവഗണന.

1928 ൽ ചിത്രീകരണം തുടങ്ങിയ വിഗതകുമാരൻ 1930 ലാണ് പ്രദർശിപ്പിച്ചത് . ഇതൊരു നിശ്ശബ്ദ ചിത്രമായിരുന്നു . അതേസമയം 1936 ലായിരുന്നു ആദ്യ ശബ്ദ ചിത്രമായ ബാലൻ പ്രദർശിപ്പിച്ചത് . തൊണ്ണൂറു വർഷത്തെ ചരിത്രം വിഗതകുമാരനിൽ നിന്നല്ലാതെ തുടങ്ങാൻ സാധിക്കില്ലെന്നിരിക്കെ സിഗ്നേച്ചർ ഫിലിമിൽ നിന്ന് വിഗതകുമാരൻ എങ്ങനെ ഒഴിവായെന്നാണ് ചോദ്യമുയരുന്നത് . അതേ സമയം സെല്ലുലോയ്ഡ് കാണിക്കുന്നുമുണ്ട്.

മലയാള സിനിമയ്ക്ക് എഴുപത്തഞ്ച് വയ്യസാണെന്ന ചലച്ചിത്ര അക്കാദമിയുടെ നിലപാടിൽ പ്രതിഷേധിച്ചായിരുന്നു കമൽ തന്റെ ചിത്രമായ സെല്ലുലോയ്ഡ് പ്രദർശിപ്പിക്കാതിരുന്നത്. സാംസ്കാരിക മന്ത്രിയായിരുന്ന കെ സി ജോസഫിന് ആ സ്ഥാനത്തിരിക്കാൻ അർഹതയില്ലെന്ന രൂക്ഷവിമർശനവും കമൽ ഉന്നയിച്ചിരുന്നു.

404 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close