Entertainment

പറന്നകന്ന പൊന്നോമനക്ക് പിറന്നാളാശംസകൾ നേർന്ന് മലയാളത്തിന്റെ വാനമ്പാടി

സ്നേഹിച്ചു കൊതി തീരാതെ പറന്നകന്ന പൊന്നോമനയെ മനസ്സു കൊണ്ട് താലോലിച്ചു വളർത്തുകയാണ് മലയാളത്തിന്റെ വാനമ്പാടി കെ എസ് ചിത്ര. 2011 ൽ തന്നെ വിട്ടകന്ന മകൾക്ക് പതിനഞ്ചാം ജന്മദിനാശംസകൾ നേരുകയാണ് ഇന്ന് ആ അമ്മ മനസ്സ്.

മകൾ നന്ദനക്ക് ഫെയ്സ് ബുക്ക് വഴി പിറന്നാളാശംസകൾ നേരുകയാണ് ചിത്ര.

ഏറെ കാലത്തെ കാത്തിരിപ്പിനൊടുവിലാണ് ചിത്രക്ക് 2002 ൽ മകൾ ജനിച്ചത്.കൃഷ്ണ ഭക്തയായ ചിത്ര മകൾക്ക് നന്ദന എന്ന പേരിട്ടു.

2011 ലെ വിഷു ദിനത്തിലാണ് ദുബായിലെ നീന്തൽ കുളത്തിൽ വീണ് നന്ദന മരിച്ചത്.ഒൻപതു വയസ്സിലായിരുന്നു നന്ദനയുടെ വിയോഗം.

നെഞ്ചോട് ചേർത്ത് വളർത്തിയ മകളുടെ വേർപാട് ചിത്രക്ക് താങ്ങാനാകുന്നതായിരുന്നില്ല.ഇനി പാടാൻ കഴിയില്ല എന്നു പോലും ഒരു വേള ചിത്ര പറഞ്ഞു. ക്രമേണ ജീവിതത്തിലേക്കും,സംഗീത ലോകത്തേക്കും മടങ്ങിയെത്തി മലയാളത്തിന്റെ വാനമ്പാടി.

മലയാളികൾക്ക് ഏറെ താരാട്ട് പാട്ടുകൾ നൽകിയ ചിത്രക്ക് പക്ഷേ സ്വന്തം മകൾക്ക് ആ വാൽസല്യം ഏറെ പകർന്ന് നൽകാനായില്ല.

പറന്നകന്നിട്ടും, മനസ്സിൽ കണ്ണുനീർ തുള്ളിയായി നന്ദന ചിത്രക്കൊപ്പമുണ്ട്.

1K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close