Health

നേ​ഴ്സു​മാ​രു​ടെ വേ​ത​ന വ്യ​വ​സ്ഥ​ക​ൾ പു​തു​ക്കാൻ സംസ്ഥാന സർക്കാരിന് കേന്ദ്ര സർക്കാരിന്റെ നിർദേശം

ന്യൂ​ഡ​ൽ​ഹി: സ്വ​കാ​ര്യ ആ​ശു​പ​ത്രി​ക​ളി​ൽ ജോ​ലി ചെ​യ്യു​ന്ന നേ​ഴ്സു​മാ​രു​ടെ വേ​ത​ന വ്യ​വ​സ്ഥ​ക​ൾ പു​തു​ക്കി ക്ര​മീ​ക​രി​ക്ക​ണ​മെ​ന്ന് സം​സ്ഥാ​ന​ങ്ങ​ൾ​ക്ക് കേ​ന്ദ്ര സ​ർ​ക്കാ​ർ നി​ർ​ദേ​ശം നൽകി.

ഇതു സംബന്ധിച്ച റിപ്പോർട്ട് എ​ല്ലാ മു​ഖ്യ​മ​ന്ത്രി​മാ​ർ​ക്കും അ​യ​ച്ചി​ട്ടു​ണ്ടെന്ന് ​കേ​ന്ദ്ര ആ​രോ​ഗ്യ​മ​ന്ത്രി ജെ.​പി. ന​ഡ്ഡ ലോ​ക്സ​ഭ​യെ അ​റി​യി​ച്ചു. നേഴ്സുമാരുടെ വേതനത്തിന്റെ കാ​ര്യ​ത്തി​ൽ വീ​ഴ്ച വ​രു​ത്തു​ന്ന സ്വ​കാ​ര്യ സ്ഥാ​പ​ന​ങ്ങ​ളെ അ​നി​യ​ന്ത്രി​ത​മാ​യി വി​ടാ​നാ​കി​ല്ലെ​ന്നും അ​ദ്ദേ​ഹം പറഞ്ഞു.
ഏ​ഴാം ശ​മ്പള ക​മ്മീ​ഷ​ൻ വ്യ​വ​സ്ഥ​ക​ൾ​ക്ക് അ​നു​സ​രി​ച്ച് സ്വ​കാ​ര്യ ആ​ശു​പ​ത്രി​ക​ളി​ലെ നേഴ്സു​മാ​രു​ടെ വേ​ത​ന വ്യ​വ​സ്ഥ​ക​ളും ക്ര​മീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട ബി​ജെ​പി എം​പി കി​രി​ത് സോ​മ​യ്യക്കാണ് കേ​ന്ദ്ര​മ​ന്ത്രി ഇതു സംബന്ധിച്ച മ​റു​പ​ടി നൽകിയ​ത്.

സ്വകാര്യ ആശുപത്രികളിലെ നേ​ഴ്സു​മാ​രു​ടെ കാ​ര്യ​ത്തി​ൽ തീ​രു​മാ​ന​മെ​ടു​ക്കേ​ണ്ടത് ​സം​സ്ഥാ​ന സ​ർ​ക്കാ​രു​ക​ളാ​ണ്. എ​ന്നാ​ൽ, സം​സ്ഥാ​ന സ​ർ​ക്കാ​രു​ക​ളു​ടെ ക്ലി​നി​ക്ക​ൽ എ​ക്സ്റ്റാ​ബ്ലി​ഷ്മെ​ന്‍റ് നി​യ​മ പ്ര​കാ​രം ന​ട​പ​ടി​യെ​ടു​ക്കു​ന്ന​തി​നു പ​രി​ധി​യു​ണ്ടെന്നാ​ണ് സം​സ്ഥാ​ന​ങ്ങ​ൾ പ​റ​യു​ന്ന​ത്.

ഇ​ക്കാ​ര്യ​ത്തി​ൽ നിയമം കൊണ്ടു വരുന്നതിനെ കുറിച്ച് കേ​ന്ദ്ര സ​ർ​ക്കാ​ർ കൂ​ടി​യാ​ലോ​ച​ന​ക​ൾ നടത്തുന്നുണ്ടെന്നും സ്വ​കാ​ര്യ ആ​ശു​പ​ത്രി​ക​ൾ​ക്കു നി​യ​ന്ത്ര​ണം കൊ​ണ്ടുവ​രേ​ണ്ടത് ​അ​ത്യാ​വ​ശ്യ​മാ​ണെ​ന്നും കേ​ന്ദ്ര ആ​രോ​ഗ്യ മ​ന്ത്രി വി​ശ​ദ​മാ​ക്കി.

2K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close