തിരുവനന്തപുരം : ആരോഗ്യ മന്ത്രി കെ.കെ.ശൈലജ ടീച്ചറിന്റെ റീ ഇമ്പേഴ്സ്മെന്റ് വിവാദത്തില് പാര്ട്ടിക്കുള്ളില് അമര്ഷം പുകയുന്നു. ചട്ടവിരുദ്ധമായി അനര്ഹമായ ആനുകൂല്യങ്ങള് തട്ടിയെടുത്ത ആരോഗ്യ മന്ത്രിയുടെ നിലപാട് അംഗീകരിക്കാനാവില്ലെന്നാണ് പാര്ട്ടിക്കുള്ളില് നിന്നു തന്നെ അഭിപ്രായം ഉയര്ന്നിരിക്കുന്നത്.
ആരോഗ്യ മന്ത്രി കെ.കെ.ശൈലജ ടീച്ചറിന്റെ റീ ഇമ്പേഴ്സ്മെന്റ് വിവാദം സി.പി.എമ്മിനെ കൂടുതല് പ്രതിരോധത്തിലാക്കിയിരിക്കുകയാണ്. കെ.കെ.ശൈലജ ടീച്ചര് വോട്ട് തന്ന് ജയിപ്പിച്ച അണികളെ വഞ്ചിച്ചെന്ന ആരോപണമാണ് ഒരുവിഭാഗം ഉയര്ത്തുന്നത്.
അനര്ഹമായി സര്ക്കാരിനെ തെറ്റിദ്ധരിപ്പിച്ച് കൊണ്ട് ഒരു മന്ത്രി തന്നെ ആനുകൂല്യങ്ങള് തട്ടിയെടുത്തത് സമൂഹത്തിന് തെറ്റായ സന്ദേശമാണ് നല്കുന്നതെന്നും വിമര്ശനമുണ്ട്.
പൊതുസമൂഹത്തിന് മുന്നില് ഇടത് സര്ക്കാരിന് അവമതിപ്പുണ്ടാക്കുന്ന പ്രവര്ത്തിയാണ് ആരോഗ്യമന്ത്രിയുണ്ടാക്കിയത്. സര്ക്കാരിന്റെ പ്രതിച്ഛായ ഉയര്ത്തേണ്ട ഘട്ടത്തില് തന്നെ വീണ്ടും സമ്മര്ദ്ദത്തിലാക്കുന്ന പ്രവര്ത്തിയാണ് കെ.കെ.ശൈല ടീച്ചറുണ്ടാക്കിയിരിക്കുന്നത് എന്നും പറയപ്പെടുന്നു.
ഏതായാലും പാര്ട്ടിയുടെ വിവിധ കോണുകളില് നിന്ന് വിമര്ശനം ശക്തമായതോടെ ആരോഗ്യമന്ത്രി പാര്ട്ടിക്കുള്ളില് ഒറ്റപ്പെടുന്ന അവസ്ഥയാണ് ഉണ്ടായിരിക്കുന്നത്