തിരുവനന്തപുരം:മെഡിക്കല് റീ ഇമ്പേഴ്സ്മെന്റിനായി ആരോഗ്യമന്ത്രിയുടെ മുന്കൂര് അപേക്ഷ. ചികിത്സ ചെലവ് പ്രവചിച്ചാണ് മുന്കൂര് റീ-ഇമ്പേഴ്സ്മെന്റിന് മന്ത്രി അപേക്ഷ നല്കിയത്.
അപേക്ഷയ്ക്കൊപ്പം ബില്ലും സമര്പ്പിച്ചു. മട്ടന്നൂരിലെ ലക്ഷ്മി ആശുപത്രിയിലെ ബില്ലുകളാണ് റീ ഇമ്പേഴ്സ്മെന്റിനായി നല്കിയത്.
അതേസമയം ആരോഗ്യ മന്ത്രി കെ.കെ. ശൈലജ ടീച്ചറിന്റെ റീ-ഇമ്പേഴ്സ്മെന്റ് വിവാദത്തില് പാര്ട്ടിക്കുള്ളില് അമര്ഷം പുകയുകയാണ്. ചട്ടവിരുദ്ധമായി അനര്ഹമായ ആനുകൂല്യങ്ങള് തട്ടിയെടുത്ത ആരോഗ്യ മന്ത്രിയുടെ നിലപാട് അംഗീകരിക്കാനാവില്ലെന്നാണ് പാര്ട്ടിക്കുള്ളില് നിന്നു തന്നെ അഭിപ്രായം ഉയര്ന്നിരിക്കുന്നത്.
കെ.കെ. ശൈലജ ടീച്ചര് വോട്ട് തന്ന് ജയിപ്പിച്ച അണികളെ വഞ്ചിച്ചെന്ന ആരോപണമാണ് ഒരുവിഭാഗം ഉയര്ത്തുന്നത്. പൊതുസമൂഹത്തിന് മുന്നില് ഇടത് സര്ക്കാരിന് അവമതിപ്പുണ്ടാക്കുന്ന പ്രവൃത്തിയാണ് ആരോഗ്യമന്ത്രിയുണ്ടാക്കിയത്. സര്ക്കാരിന്റെ പ്രതിച്ഛായ ഉയര്ത്തേണ്ട ഘട്ടത്തില് തന്നെ വീണ്ടും സമ്മര്ദ്ദത്തിലാക്കുന്ന പ്രവൃത്തിയാണ് കെ.കെ.ശൈല ടീച്ചറുണ്ടാക്കിയിരിക്കുന്നത് എന്നും പറയപ്പെടുന്നു
https://www.youtube.com/watch?v=3xdr6EW0XDw