എയറോബിക്സ് വ്യായാമം പ്രായമായവരിലെ അല്ഷിമേഴ്സ് സാദ്ധ്യത കുറയ്ക്കുമെന്ന് പഠനങ്ങള്. എയറോബിക്സിന് ഒരു വ്യക്തിയുടെ ബുദ്ധിപരമായ പ്രവര്ത്തനം വര്ദ്ധിപ്പിക്കാനാകും. അതിനാല് തന്നെ മറ്റു വ്യായാമങ്ങളെ അപേക്ഷിച്ച് മൂന്നു മടങ്ങ് ഫലപ്രദമാണിത്.
യൂണിവേഴ്സിറ്റി ഓഫ് കണക്റ്റിക്കട്ടിലെ ഫിസിയോളജിസ്റ്റ് ഗ്രിഗറി.എ.പന്സയുടെ നേതൃത്വത്തില് നടത്തിയ പഠനത്തിലാണ് ഈ കണ്ടെത്തലുകള്. 70 വയസിനു മുകളില് പ്രായമുള്ള 1145 അല്ഷിമേഴ്സ് ബാധിതരിലാണ് ഇതു സംബന്ധിച്ച പഠനം നടത്തിയത്.
പ്രായമായവരില് ഓര്മ നഷ്ടപ്പെടുന്ന അവസ്ഥയാണ് അല്ഷിമേഴ്സ്. ഇത്തരക്കാരുടെ ബുദ്ധിപരമായ പ്രവര്ത്തനങ്ങള്ക്ക് മാന്ദ്യം സംഭവിക്കുന്നു. ചികിത്സകള് ലഭ്യമാണെങ്കിലും ഇത് പൂര്ണമായും ഭേദമാക്കാനാകില്ല. എന്നാല് എയറോബിക്സ് ചെയ്യുന്നവര്ക്ക് രോഗം ബാധിച്ച മറ്റു വ്യക്തികളെ അപേക്ഷിച്ച് ചിന്തിക്കുവാനും കാര്യങ്ങള് സ്വയം ചെയ്യുവാനും കഴിയുന്നുണ്ടെന്നാണ് കണ്ടെത്തിയിരിക്കുന്നത്.
വ്യായാമം ചെയ്യുന്നത് പ്രായമായവരുടെ തലച്ചോറിന്റെ പ്രവര്ത്തനത്തെ വര്ദ്ധിപ്പിക്കുവാന് സഹായിക്കും. വേള്ഡ് ഹെല്ത്ത് ഓര്ഗനൈസേഷന് റിപ്പോര്ട്ട് പ്രകാരം ആഴ്ചയില് 150 മിനിട്ട് ചെറിയ വ്യായാമങ്ങളും 75 മിനിട്ട് എയറോബിക്സ് വ്യായാമവും ചെയ്യുന്നത് അല്ഷിമേഴ്സ് രോഗികള്ക്ക് നല്ലതാണെന്നു പറയുന്നു.
