Movie

ലാലേട്ടാ… വിളിച്ചത് ഗവർണറാണ്

അതെ ഇത്തവണ ലാലേട്ടനെ വിളിച്ചത് ഗവർണറാണ്.മലയാളികൾക്ക് മോഹൻലാൽ എന്നും അവരുടെ പ്രിയപ്പെട്ട ലാലേട്ടനാണ്,കേരളാ ഗവർണറായെത്തിയ പി സദാശിവത്തിനും മോഹൻലാലിനെ മറ്റൊന്നും വിളിക്കാൻ തോന്നിയില്ല.

കാ​ലി​ക്ക​റ്റ് സ​ർ​വ​ക​ലാ​ശാ​ല​യു​ടെ ഡി-​ലി​റ്റ് ബി​രു​ദം മോ​ഹ​ൻ​ലാ​ലി​നും പി.​ടി. ഉ​ഷ​യ്ക്കും ന​ൽ​കു​ന്ന ച​ട​ങ്ങിലാണ് ഗവർണർ ലാലേട്ടാ എന്ന് വിളിച്ച് മോഹൻലാലിനെ അഭിസംബോധന ചെയ്തത്. ഇതോടെ സദസിൽ നിലയ്ക്കാത്ത കരഘോഷമുയർന്നു.

നാ​ലു പ​തി​റ്റാ​ണ്ടു​ക​ളാ​യു​ള്ള മോ​ഹ​ൻ​ലാ​ലി​ന്‍റെ നേ​ട്ട​ങ്ങ​ളും സം​ഭാ​വ​ന​ക​ളും ഗ​വ​ർ​ണ​ർ എ​ടു​ത്തു​പ​റ​ഞ്ഞു.
കലയുടെ മഹാപ്രവാഹത്തിൽ ഒരു ഇലപോലെ ഒഴുകുകയായിരുന്നു താൻ , ഈ പ്രവാഹം ഏതൊക്കെയോ കടവുകളിലും കരകളിലും തന്നെ കൊണ്ടെത്തിച്ചു.ഇപ്പോഴും ആ പ്രവാഹത്തിനൊപ്പമാണ് താനെന്നും പറഞ്ഞാണ് മോഹൻലാൽ മറുപടി പ്രസംഗം ആരംഭിച്ചത്.

ഭാ​ര്യ സു​ചി​ത്ര​യും നി​ർ​മാ​താ​വ് ആ​ന്‍റ​ണി പെ​രു​ന്പാ​വൂ​രും മോ​ഹ​ൻ​ലാ​ലി​നൊ​പ്പം ച​ട​ങ്ങി​നെ​ത്തി​യി​രു​ന്നു.
മോഹൻലാലിനു ലഭിക്കുന്ന രണ്ടാമത്തെ ഓണററി ഡോക്ടറേറ്റ് ആണിത്. നേരത്തേ കാലടി സംസ്കൃത സർവകലാശാലയുടെ ഡിലിറ്റ് അദ്ദേഹത്തിന് ലഭിച്ചിരുന്നു.

പിടി ഉഷക്ക് ലഭിക്കുന്ന മൂന്നാമത്തെ ഡോക്ടറേറ്റാണിത്.2000ൽ കണ്ണൂർ സർവകലാശാലയും കഴിഞ്ഞ വർഷം കാൺപൂർ ഐഐടിയും പിടി ഉഷക്ക് ഡോക്ടറേറ്റ് നൽകിയിരുന്നു.

9K Shares

Please scroll down for comments

Close
Close