ജയ്പൂർ : അച്ഛനെന്ന വാക്കിനുള്ള വാൽസല്യമെന്ന അർത്ഥം തിരുത്തുകയാണ് രാജസ്ഥാനിലെ രാജസമന്ദിൽ നിന്നുള്ള ദൃശ്യങ്ങൾ.
തന്റെ വസ്ത്രം വൃത്തികേടാക്കി എന്ന കുറ്റത്തിന് അഞ്ചു വയസ്സുകാരനായ മകനെ കയറിൽ കെട്ടിതൂക്കിയിട്ട് മർദ്ദിക്കുന്ന ദൃശ്യങ്ങളാണ് മനസാക്ഷിയെ പിടിച്ചുലക്കുന്നത്.
സഹോദരനെ മർദ്ദിക്കുന്നത് കണ്ട് ഭയന്നു കരയുന്ന കുഞ്ഞനുജത്തിയെ ക്രൂരമായി മർദ്ദിക്കുന്നതും,നിലത്തിട്ട് ചവിട്ടുന്നതും ദൃശ്യങ്ങളിലുണ്ട്.
ചെയിൻ സിംഗ് എന്നയാളെ സംഭവത്തിൽ പൊലീസ് അറസ്റ്റ് ചെയ്തു.
ഇയാളുടെ സഹോദരൻ തന്നെയാണ് ദൃശ്യങ്ങൾ പകർത്തി സമൂഹ മാധ്യമങ്ങളിൽ പോസ്റ്റ് ചെയ്തത്.
തന്റെ പാന്റ് വൃത്തികേടാക്കിയതിനാണ് ഇയാൾ കുഞ്ഞുങ്ങളെ ഇത്തരത്തിൽ ക്രൂരമായി മർദ്ദിച്ചത്.
വീഡിയോ ശ്രദ്ധയില്പ്പെട്ടതോടെ രാജസ്ഥാന് സി.ഡബ്ലു.സി(ചൈല്ഡ് വെല്ഫെയര് കമ്മിറ്റി) മറ്റൊരു കേസും രജിസ്റ്റര് ചെയ്തിട്ടുണ്ട്.
കുട്ടികളെ രക്ഷിക്കുന്നതിന് പകരം വീഡിയോ ഷൂട്ട് ചെയ്തു എന്ന കുറ്റത്തിന് ചെയിന് സിങ്ങിന്റെ സഹോദരനെയും പോലീസ് അറസ്റ്റ് ചെയ്തു.
