HealthLife

പപ്പായയും ആരോഗ്യവും

നമ്മുടെ പറമ്പിലും തൊടിയിലുമെല്ലാം ധാരാളമായി കാണുന്ന പഴമാണ് കപ്പളങ്ങ അഥവ പപ്പായ. ആരോഗ്യത്തിന്റെ കലവറയെന്ന് വിശേഷിപ്പിക്കാന്‍ പറ്റുന്ന ഒരു പഴമാണിത്. ഫ്രൂട്ട് ഓഫ് എയ്ഞ്ചല്‍സ് എന്നാണ് പപ്പായ അറിയപ്പെടുന്നത്. സുഗമമായ ദഹനം, മോണരോഗങ്ങള്‍, മികച്ച പ്രതിരോധശേഷി, ഹൃദയാരോഗ്യം, ഭാരം കുറയാന്‍ എന്നിവയ്‌ക്കെല്ലാം വളരെ നല്ലതാണ് പപ്പായ. പച്ചയ്ക്കും പഴമായും എല്ലാം ഇതിനെ ഉപയോഗിക്കാം. ഭക്ഷണമെന്നതിലുപരിയായി ഒരു സൗന്ദര്യ വര്‍ദ്ധക വസ്തുവായും പപ്പായ ഉപയോഗിക്കപ്പെടുന്നു. ആന്റി ഓക്‌സിഡന്റ് ന്യൂട്രിയന്റ്‌സ്, ആയ കരോട്ടിന്‍, ഫ്‌ളേവനോയ്ഡ്, വൈറ്റമിന്‍ സി, ബി, ഫൈബര്‍, മഗ്നീഷ്യം എന്നിവ പപ്പായയില്‍ അടങ്ങിയിട്ടുണ്ട്.

അമിതവണ്ണം വരാതെ ശരീരത്തെ സഹായിക്കുന്നതില്‍ പപ്പായ വഹിക്കുന്ന പങ്ക് ചെറുതല്ല. പപ്പായയിലെ വൈറ്റമിന്‍ ഇ, വൈറ്റമിന്‍ സി എന്നീ ഘടകങ്ങള്‍ വയര്‍ ശുദ്ധീകരിക്കുന്നു. പപ്പായ ജ്യൂസ് ദഹനത്തെ മെച്ചപ്പെടുത്തുന്നു. ഫൈബറിന്റ സാന്നിദ്ധ്യവും പപ്പായയുടെ ഗുണത്തെ മുന്നിട്ട് നിര്‍ത്തുന്നുന്നതാണ്. വൈകുന്നേരങ്ങളിലും ഉച്ചയ്ക്കു മുന്‍പും ഒരു ബൗള്‍ നിറയെ പപ്പായ കഴിക്കുന്നത് ആരോഗ്യത്തിന് വളരെ നല്ലതാണ്. പപ്പായയില്‍ ദഹനത്തെ സഹായിക്കുന്ന എന്‍സൈം ആയ പപ്പെയ്ന്‍ അടങ്ങിയിട്ടുണ്ട്. ഇത് ബോഡി ഫാറ്റ് കുറയാന്‍ സഹായിക്കുന്നു.

ഹൃദയാരോഗ്യം മെച്ചപ്പെടുത്താന്‍ സഹായിക്കുന്നു. പപ്പായയില്‍ അടങ്ങിയിരിക്കുന്ന വൈറ്റമിന്‍ ഇ, സി എന്നിവ കൊളസ്‌ട്രോള്‍ രക്തധമനികളില്‍ ഒട്ടിപ്പിടിക്കുന്നത് തടയുന്നു. ഇതു വഴി ഹൃദയം എല്ലായ്‌പ്പോഴും ആരോഗ്യത്തോടെ ഇരിക്കുന്നു. ഫൈബറും ഹൃദ്രോഗങ്ങളില്‍ നിന്നും പ്രതിരോധം തീര്‍ക്കുന്നു. പപ്പായയിലെ ആന്റി ഓക്‌സിഡന്റ്‌സിന് രോഗപ്രതിരോധശേഷി കൂട്ടാന്‍ കഴിവുണ്ടെന്നും പഠനങ്ങള്‍ തെളിയിച്ചിട്ടുണ്ട്.

സൗന്ദര്യ വര്‍ദ്ധക വസ്തുക്കളിലും പപ്പായ ധാരാളമായി ഉപയോഗിക്കാറുണ്ട്. വീടുകളില്‍ തന്നെ പലരും ഇതിനെ ഒരു ഫെയ്‌സ് മാസ്‌ക്കായി ഉപയോഗിക്കാറുണ്ട്. പപ്പെയ്ന്‍ ഡെഡ് സെല്ലുകളെ നശിപ്പിക്കുകയും ചര്‍മത്തെ ശുദ്ധീകരിക്കുകയും ചെയ്യുന്നു. സൂര്യതാപത്തെ പ്രതിരോധിക്കാനും ചൊറിച്ചില്‍ പോലുള്ള അസ്വസ്ഥതകള്‍ മാറ്റാനും പപ്പായക്ക് കഴിയും. ചര്‍മത്തില്‍ ചുളിവ് വീഴുന്നത് തടയുന്നു. സോറിയാസിസ് കുറയുന്നതിനുള്ള ചികിത്സകളിലും പപ്പായ ഉപയോഗിക്കാറുണ്ട്. പൊള്ളലിന്റെ പാടുകള്‍ മാറ്റുന്നതിനും ഫലപ്രദമാണ്.

 

808 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close