HealthLife

ഇനി കൊതുകിനെ തുരത്താം ഈസിയായി

കൊതുകുകള്‍ ധാരാളമായുള്ള സമയമാണിത്. ഇവയുടെ ആക്രമണം മലേറിയ, ഡെങ്കു പോലെയുള്ള അസുഖങ്ങളെ വളരെ വേഗം ക്ഷണിച്ചു വരുത്തുന്നു. കൊതുകുകളെ തുരത്താന്‍ നമ്മള്‍ പല മാര്‍ഗങ്ങളും പരീക്ഷിക്കാറുണ്ട്. ഇവയില്‍ പലതിലും അടങ്ങിയിരിക്കുന്ന കെമിക്കലുകള്‍ മനുഷ്യശരീരത്തിന് വളരെ അധികം ദോഷം ചെയ്യുന്നതാണ്. പ്രകൃതിദത്തമായും ഫലപ്രദമായും കൊതുകുകളെ തുരത്താനുള്ള ചില വഴികളെക്കുറിച്ച് ഇവിടെ വായിക്കാം.

* ആര്യവേപ്പിന്റെ എണ്ണ കൊതുകിനെതിരെയുള്ള ഫലപ്രദമായുള്ള മാര്‍ഗ്ഗമാണ്. വേപ്പെണ്ണ കെമിക്കല്‍ വേപ്പൊറൈസറുകളെക്കാളും കോയിലുകളെക്കാളും പത്ത് മടങ്ങ് ഫലപ്രദമാണെന്ന് പഠനങ്ങള്‍ തെളിയിച്ചിട്ടുണ്ട്. ഫംഗസ്, ബാക്ടീരിയ, വൈറസ് എന്നിവയ്‌ക്കെതിരെ പ്രവര്‍ത്തിക്കാന്‍ ആര്യവേപ്പിന് സാധിക്കും. വേപ്പെണ്ണയും വെളിച്ചെണ്ണയും അല്ലെങ്കില്‍ വേപ്പെണ്ണയും ലാവെണ്ടര്‍ ഓയിലും ഒരേ അനുപാതത്തില്‍ ശരീരത്തില്‍ പുരട്ടുന്നതും നല്ലതാണ്. എട്ട് മണിക്കൂര്‍ വരെ ഇത് കൊതുകില്‍ നിന്നും നിങ്ങള്‍ക്ക് സംരക്ഷണം തരും.

* നാരങ്ങയും ഗ്രാമ്പുവും. നാരങ്ങ രണ്ടായി മുറിച്ചതിനു ശേഷം ഇതിനുള്ളിലേക്ക് കുറച്ച് ഗ്രാമ്പു കുത്തി നിര്‍ത്തുക. കൊതുകിനെയും മറ്റു ചെറുജീവികളെയും തുരത്താന്‍ ഉത്തമമാണിത്.

* നമ്മുടെ തൊടികളിലും മുറ്റത്തുമെല്ലാം സുലഭമായി ലഭിക്കുന്ന ഒന്നാണ് തുളസിയില. തുളസിച്ചെടി അല്ലെങ്കില്‍ തുളസിയില മുറിക്കുള്ളില്‍ വക്കുക. ഇതിന്റെ സുഗന്ധം കൊതുകിനെയും പ്രാണികളെയും അകറ്റി നിര്‍ത്തും. അതേപോലെ ജനലിന്റെ അഴികളിലും വാതില്‍ക്കലുമെല്ലാം പുതിനയുടെ ഇല വയ്ക്കുന്നതും നല്ലതാണ്.

* വെളുത്തുള്ളി ചതച്ചെടുക്കുക. ഇത് കുറച്ച് വെള്ളത്തിലിട്ട് തിളപ്പിച്ചെടുക്കുക. ഈ വെള്ളം കുപ്പിയിലാക്കി കൊതുക് കയറിവരുന്ന വഴികളിലും മുറിയിലുമെല്ലാം സ്‌പ്രേ ചെയ്യുക. വെളുത്തുള്ളിയുടെ രൂക്ഷഗന്ധം കൊതുകിനെ നിശ്ചയമായും തുരത്തും.

2K Shares

Please scroll down for comments

Close
Close