Entertainment

പാഡ്മാന്‍ നാളെ തീയറ്ററുകളില്‍ എത്തുമ്പോള്‍ യഥാര്‍ത്ഥ പാഡ്മാന്‍ ദാ ഇവിടെയാണ്

ന്യൂഡല്‍ഹി: അക്ഷയ് കുമാറിനെ നായകനാക്കി ആര്‍  ബാല്‍കി സംവിധാനം ചെയ്യുന്ന പാഡ്മാന്‍ നാളെ റിലീസിംഗിന് ഒരുങ്ങുമ്പോള്‍ യഥാര്‍ത്ഥ പാഡ്മാന്‍ അങ് കോയമ്പത്തൂരിനടുത്ത് പുതൂര്‍ എന്ന ഗ്രാമത്തിലാണുളളത്.

സാനിറ്ററി നാപ്കിനുകള്‍ നിര്‍മ്മിക്കുന്ന അരുണാചലത്തിന്റെ യഥാര്‍ത്ഥ ജീവിതകഥയാണ് പാഡ്മാന്‍.തിരശീലയില്‍ അക്ഷയ് കുമാര്‍ ജീവന്‍ നല്‍കുന്ന പാഡ്മാന് പറയാനുളളത് വിപ്ലവകരമായ ഒരു ജീവിത കഥയാണ്.

പുതൂര്‍ സ്വദേശിയായ അരുണാചലം പാഡ് നിര്‍മ്മാണത്തിലേക്ക് എത്തിച്ചേരുന്നതിന് കാരണമാകുന്നത് സ്വന്തം ഭാര്യയാണ്.പാഡുകള്‍ വാങ്ങുന്നതിന്റെ അധിക ചിലവ് മൂലം വൃത്തിഹീനമായ തുണികളും പേപ്പറും ഉപയോഗിക്കുന്നവരാണ് ഇന്ത്യന്‍ ഗ്രാമങ്ങളില്‍ കഴിയുന്ന ഭൂരിഭാഗം സ്ത്രീകളും.

തന്റെ ഭാര്യയുടെ ഈ ദുരിതം കണ്ട അരുണാചലം പാഡ് വാങ്ങി ഉപയോഗിക്കാന്‍ ആവശ്യപ്പെട്ടു.എന്നാല്‍ വീട്ടില്‍ പാല്‍ വാങ്ങുന്നതിന്റെ പകുതി പൈസ അതിനായി പോകുമെന്നായിരുന്നു ഭാര്യയുടെ മറുപടി .ഈ ഒരു മറുപടിയാണ് അരുണാചലത്തിന്റെ ചിന്തകളെ തന്നെ മാറ്റി മറിച്ചത്.സാധാരണ ഒരു സാനിറ്ററി നാപ്കിന്‍ ഉണ്ടാകുന്നതിന് 10 പൈസ ആണ് വിലയെങ്കില്‍ അത് വിപണിയില്‍ എത്തുമ്പോള്‍ വില 40 ഇരട്ടിയാകും.

ഇത് ഗ്രാമപ്രദേശങ്ങളിലെ സാധാരണ സ്ത്രീകള്‍ക്ക് താങ്ങാന്‍ സാധിക്കുന്നതല്ല.ഈ തിരിച്ചറിവാണ് അരുണാചലത്തിനെ സ്വന്തമായി പാഡ് നിര്‍മ്മാണം എന്ന ആശയത്തിലേക്ക് എത്തിച്ചത്.സ്വന്തമായി പാഡ് നിര്‍മ്മാണം തുടങ്ങി.ഏറ്റവും കുറഞ്ഞ വിലയ്ക്ക് അത് ആവശ്യക്കാരില്‍ എത്തിച്ചു.നാട്ടിലെ സ്ത്രീകള്‍ക്കും മെഡിക്കല്‍ കോളേജ് വിദ്യാര്‍ത്ഥികള്‍ക്കും അത് സൗജന്യമായി നല്‍കി.

ഇതിലൂടെ ഒരു പാഡ് വിപ്ലവത്തിനാണ് അരുണാചലം തുടക്കമിട്ടത്.ആര്‍ത്തവകാലത്ത് ശുചിയായിരിക്കുക എന്ന ഒരു സ്ത്രീയുടെ ഏറ്റവും അടിസ്ഥാനപരമായ അവശ്യങ്ങളില്‍ ഒന്നിനെയാണ് അദ്ദേഹം അഭിസംബോധന ചെയ്തത്.അദ്ദേഹത്തിന്റെ സംഭാവനയ്ക്ക് 2016 ല്‍ രാജ്യം പത്മഭൂഷന്‍ നല്‍കി ആദരിച്ചു.

1K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close