സാഹസികത പെൺകുട്ടികൾക്ക് പറ്റുമോ എന്ന ചോദ്യത്തിനു മേൽ പറക്കുകയാണ് പദ്മശ്രീ ശീതൾ മഹാജൻ.
മഹാരാഷ്ട്രയുടെ പരമ്പരാഗത നൗവരി സാരി അണിഞ്ഞായിരുന്നു ഇത്തവണ ശീതൾ റെക്കോർഡിലേക്ക് പറന്നിറങ്ങിയത് അതും13,000 അടി ഉയരത്തിൽ.
തായ്ലൻഡിലെ പട്ടായാസ് സ്കൈ ഡൈവിംഗ് സെന്ററിൽ ഈ മാസം 11 നായിരുന്നു ശീതളിന്റെ റെക്കോർഡ് ഡൈവിങ്.
‘ഒരു മുൾഗി മറാത്തി പെൺകുട്ടി എന്ന നിലയിൽ ജന്മനാടായ പൂനെക്കു വേണ്ടി,സമുദായത്തിനു വേണ്ടി എനിക്ക് ചെയ്യാൻ കഴിയുന്നത് ഇത്രമാത്രം‘ സാരി അണിഞ്ഞു നടത്തിയ ഡൈവിങിനെ കുറിച്ച് ശീതൾ പറയുന്നത് ഇങ്ങനെയാണ്.
ഏറെ അപകട സാധ്യത നിറഞ്ഞ സ്കൈ ഡൈവിങിന് തയ്യാറെടുക്കുമ്പോൾ വസ്ത്രധാരണത്തിലും ഏറെ ശ്രദ്ധ പുലർത്തേണ്ടതുണ്ട്.സാരി അണിഞ്ഞുള്ള ഡൈവിങ് നടത്താൻ തീരുമാനിച്ചപ്പോൾ മുതൽ ഏറെ നാളായി പരിശീലനത്തിലായിരുന്നു ശീതൾ.
ഇതുവരെ 650 ഓളം സ്കൈ ഡൈവിങുകളാണ് ശീതൾ നടത്തിയിട്ടുള്ളത്.ഉത്തരധ്രുവത്തില്നിന്ന് സ്കൈ ഡൈവിങ് നടത്തുന്ന ആദ്യവനിതയെന്ന റെക്കോഡും ശീതളിന് സ്വന്തമാണ്.
ഉത്തരധ്രുവത്തില്നിന്നും ദക്ഷിണധ്രുവത്തില് നിന്നും സ്കൈഡൈവിങ് നടത്തുന്ന ലോകത്തിലെ ആദ്യ വനിതാ താരമെന്ന ബഹുമതിയും 2006ല് ഇവര് സ്വന്തമാക്കി.
അഞ്ച് ലോക റെക്കോഡുകള്ക്കൊപ്പം പതിനാലു ദേശീയ റെക്കോഡുകളും ശീതളിന്റെ പേരിലുണ്ട്. 2011ലാണ് ശീതളിനെ പദ്മശ്രീ നല്കി രാജ്യം ആദരിച്ചത്.
സ്കൈ ഡൈവിങിനെ വിവാഹ അവസരത്തിലും ശീതൾ മാറ്റി നിർത്തിയില്ല ഫിന്ലന്ഡില് സോഫ്റ്റ് വെയര് എഞ്ജിനീയറായ വൈഭവ് റാണെയെ വിവാഹം കഴിച്ചത് അറുനൂറ് അടി ഉയരത്തിൽ ഹോട്ട് എയർ ബലൂണിൽ വച്ചായിരുന്നു.
#WATCH Padma Shri awardee Sheetal Mahajan Rane skydived wearing a traditional Maharashtrian Nauvari Saree from a height of 13,000 feet in Thailand pic.twitter.com/20rgUJ6fIU
— ANI (@ANI) February 13, 2018
