Special

ചതുരശ്ര അടിക്ക് ഒന്നര ലക്ഷം: നാല് ഫ്ലാറ്റ് വാങ്ങിയത് 240 കോടിക്ക്

മുംബൈ: നാല് ഫ്ളാറ്റുകള്‍ 240 കോടി രൂപക്ക് സ്വന്തമാക്കി തപര്യ കുടുംബം. നേപ്പിയന്‍ സീ റോഡിന് സമീപം സ്ഥിതി ചെയ്യുന്ന ഫ്ളാറ്റിലെ നാല് അപ്പാര്‍ട്‌മെന്റുകളാണ് വന്‍ വിലക്ക് തപര്യ കുടുംബം സ്വന്തമാക്കിയത്. അടുത്തിടെ മുംബൈയില്‍ നടക്കുന്ന ഏറ്റവും വലിയ റെസിഡന്‍ഷ്യല്‍ ട്രാന്‍സാക്ഷന്‍ ആണിത്. മുംബൈയിലെ വന്‍കിട ബിസിനസ് കുടുംബമാണ് തപര്യ. റണ്‍വാള്‍ ഗ്രൂപ്പിന്റെ പക്കല്‍ നിന്നുമാണ് 28,29,30,31 എന്നീ നിലകളിലെ അപ്പാര്‍ട്‌മെന്റുകള്‍ തപര്യ സ്വന്തമാക്കിയത്. 2011ല്‍ 350 കോടി രൂപക്കാണ് റണ്‍വാള്‍ ഗ്രൂപ്പ് നഗരത്തോടു ചേര്‍ന്നു കിടക്കുന്ന ഈ സ്ഥലം സ്വന്തമാക്കുന്നത്.

കഴിഞ്ഞ മാസം അവസാനമാണ് ഇതിന്റെ വില്‍പ്പന നടന്നത്. സ്‌ക്വയര്‍ ഫീറ്റിന് 1.2 ലക്ഷം രൂപയാണ് നല്‍കിയത്. ഓരോ ഫ്ളാറ്റും 4500 സ്‌ക്വയര്‍ ഫീറ്റുണ്ട്. പട്യാല മഹാരാജാവിന്റെ വസതിയായിരുന്ന ഖിലാചന്ദ് ഹൗസിനോട് ചേര്‍ന്നാണ് അപ്പാര്‍ട്‌മെന്റ് സ്ഥിതി ചെയ്യുന്നത്.

ഫെമി കെയറിന്റെ ഉടമസ്ഥത വഹിച്ചിരുന്ന തപര്യ, മൂന്നു വര്‍ഷം മുന്‍പ് 4600 കോടി രൂപക്ക് ഫെമി കെയറിന്റെ കൈമാറ്റം നടത്തിയിരുന്നു. മുംബൈയില്‍ ഏറ്റവും കൂടുതല്‍ ടാക്‌സ് അടക്കുന്ന കുടുംബങ്ങളിലൊന്ന് തപര്യാസിന്റേതാണ്. രണ്ടു വര്‍ഷം മുന്‍പ് 60 കോടി രൂപക്ക് 11000 സ്‌ക്വയര്‍ ഫീറ്റിന്റെ ഡ്യുപ്ലക്‌സ് കോംപ്ളക്‌സും തപര്യാസ് സ്വന്തമാക്കിയിരുന്നു.

എന്നാല്‍ യഥാര്‍ത്ഥ മാര്‍ക്കറ്റ് വിലയെക്കാളും കുറഞ്ഞ വിലക്കാണ് അപ്പാര്‍ട്‌മെന്റ് തപര്യ സ്വന്തമാക്കിയതെന്ന് ഇവരോട് അടുത്ത വൃത്തങ്ങള്‍ പറയുന്നു. കഴിഞ്ഞ 5,6 വര്‍ഷമായി വന്‍കിട അപ്പാര്‍ട്‌മെന്റുകളുടെ ഡിമാന്റ് കുറഞ്ഞതാണ് കാരണം.

2015ലാണ് ഇതിനു മുന്‍പ് ഇത്രയും തുക കൊടുത്തുള്ള ഒരു അപ്പാര്‍ട്‌മെന്റ് കൈമാറ്റം നടക്കുന്നത്. അല്‍ത്താമൗണ്ട് റോഡിലുള്ള 10000 സ്‌ക്വയര്‍ ഫീറ്റ് ഫ്ളാറ്റ് 160 കോടി രൂപക്ക് ജിന്‍ഡാല്‍ കുടുംബം സ്വന്തമാക്കിയതായിരുന്നു ഇത്. 2015ല്‍ തന്നെ സൈറസ് പൂനാവാല 750 കോടി രൂപക്ക് പാലസ് സ്വന്തമാക്കിയതാണ് സ്വകാര്യ ഭൂമി കൈമാറ്റത്തില്‍ രാജ്യത്ത് നടന്ന ഏറ്റവും വലിയ ഡീല്‍.

300 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close