മദ്യലഹരിയിൽ റെയിൽവേ ട്രാക്ക് മുറിച്ചു കടന്നയാൾ ട്രെയിൻ ഇടിക്കാതെ ആയുസ്സിന്റെ ബലത്തിൽ രക്ഷപ്പെടുന്നതിന്റെ ദൃശ്യങ്ങൾ പുറത്ത്.
ഇംഗ്ലണ്ടിലെ ഹാർലോ മിൽ സ്റ്റേഷനിലാണ് സംഭവം.
മദ്യ ലഹരിയിൽ സ്റ്റേഷനിലെ പ്ലാറ്റ്ഫോമിൽ കാല് താഴേക്ക് നീട്ടിയിട്ട് ഒരാൾ ഇരിക്കുന്നതാണ് ദൃശ്യങ്ങളിൽ ആദ്യം. തുടർന്ന് പ്ലാറ്റ്ഫോമിൽ നിന്നും ഇയാൾ ഒരു വിധം ട്രാക്കിലേക്ക് ഇറങ്ങുന്നു. അൽപ സമയം അവിടെ നിന്ന ശേഷം റെയിൽവേ ട്രാക്ക് മുറിച്ചു കടന്ന് മറു ഭാഗത്തേക്ക് പോകുകയും തൊട്ടടുത്ത നിമിഷം ട്രെയിൻ കടന്നു പോകുകയുമായിരുന്നു.
അൽപ്പ സമയത്തിനു ശേഷം ഇയാൾ പ്ലാറ്റ്ഫോമിലേക്ക് തിരികെ കയറുകയും ചെയ്തു. സംഭവം കണ്ട അധികൃതർ വിവരം പൊലീസിൽ അറിയിക്കുകയും,ഇയാളെ കസ്റ്റഡിയിലെടുക്കുകയും ചെയ്തു.