ന്യൂഡൽഹി : രാജ്യത്തെ 115 ഓളം ജില്ലകളിൽ നമുക്ക് വേണ്ടത് ചുറുചുറുക്കുള്ള യുവ സിവിൽ സർവ്വീസ് ഓഫീസർമാരെയാണെന്ന് പ്രധാനമന്ത്രി നരേന്ദ്രമോദി.വികസനം സ്വപ്നം കാണുന്ന ജില്ലകളാണവ.ഇടനിലക്കാരില്ലാതെ സേവനവും,പുരോഗതിയും അവരെ തേടിയെത്തണം അദ്ദേഹം പറഞ്ഞു.
ദേശീയ ലെജിസ്ലേറ്റീവ് കോൺഫറൻസിൽ പങ്കെടുത്ത് സംസാരിക്കുകയായിരുന്നു അദ്ദേഹം
ചുറ്റുമുള്ള ലോകത്തെ അറിഞ്ഞ് വളരുന്ന കുട്ടികളെ പോലെയാണ് യുവ സിവിൽ സർവ്വീസ് ഓഫീസർമാരും.സമൂഹത്തിലെ സാധാരണക്കാരന്റെ പ്രശ്നങ്ങൾ അറിഞ്ഞും അതിൽ ഇടപെട്ടും കാര്യക്ഷമമായ പ്രവർത്തനം കാഴ്ച്ച വയ്ക്കാൻ അവർക്ക് സാധിക്കും.
ഗ്രാമങ്ങളിലേക്ക് നിയമനം ലഭിക്കുമ്പോൾ ശിക്ഷാ നടപടിയായല്ല മറിച്ച് ഇന്ത്യയുടെ ആത്മാവിനെ അറിയാനുള്ള അവസരമായി അത് കാണണമെന്നും അദ്ദേഹം ഓർമ്മിപ്പിച്ചു.
