മലപ്പുറം: തിരൂര് പുഴയില് ചാക്കില് കെട്ടിയ നിലയില് യുവതിയുടെ മൃതദേഹം കണ്ടെത്തി. വള്ളത്തിന്റെ നങ്കൂരത്തില് ചാക്ക് കുടുങ്ങിയതിനെ തുടര്ന്നാണ് മൃതദേഹം കണ്ടെത്തിയത്.
പുറത്തൂര് പടിഞ്ഞാറെക്കരയില് നിന്ന് ബുധനാഴ്ച രാത്രി കാണാതായ ദമ്പതികളില് ഫൗസിയയുടേതാണ് മൃതദേഹമെന്നാണ് പൊലീസിന്റെ പ്രാഥമിക നിഗമനം. ഭര്ത്താവ് അണ്ടിപ്പാട്ടില് ഹുസൈന് രാത്രിയില് ഫൗസിയയെ വീട്ടില് നിന്ന് വിളിച്ചുകൊണ്ടുപോയതായി ബന്ധുക്കള് പൊലീസിനോട് പറഞ്ഞിരുന്നു.
സംഭവത്തില് തിരൂര് പൊലീസ് കേസെടുത്ത് അന്വേഷണം ആരംഭിച്ചു. കാണാതായ ഹുസൈനായി തിരച്ചില് തുടരുകയാണ്. മൃതദേഹം ഫൗസിയയുടേതാണെന്നത് ഉള്പ്പെടെയുള്ള കാര്യങ്ങളില് കൂടുതല് സ്ഥിരീകരണത്തിനായി പൊലീസ് അന്വേഷണം പുരോഗമിക്കുകയാണ്.
