തിരുവനന്തപുരം:ഇന്ത്യ- വെസ്റ്റ് ഇന്ഡീസ് ഏകദിന മത്സരം തിരുവനന്തപുരം കാര്യവട്ടം സ്പോര്ട്സ് ഹബ് സ്റ്റേഡിയത്തില് നടത്തും. കായികമന്ത്രി എ.സി.മൊയ്തീനുമായി കെസിഎ ഭാരവാഹികള് നടത്തിയ ചര്ച്ചയിലാണ് ഇക്കാര്യം തീരുമാനമായത്. ശനിയാഴ്ച നടക്കുന്ന കെസിഎ ജനറല് ബോഡിക്ക് ശേഷമായിരിക്കും വിഷയത്തില് അന്തിമ തീരുമാനം എടുക്കുന്നത്. നവംബര് ഒന്നിനാണ് മത്സരം.
തിരുവനന്തപുരത്ത് നടത്താന് നിശ്ചിയിച്ചിരുന്ന മത്സരം പിന്നീട് കെസിഎ കൊച്ചിയിലേയ്ക്ക് മാറ്റിയിരുന്നു. കൊച്ചിയില് ഐഎസ്എല്ലിനു വേണ്ടി തയാറാക്കിയ ഗ്രൗണ്ട് ക്രിക്കറ്റിനു വേണ്ടി ഒരുക്കാന് വലിയ രീതിയില് മാറ്റങ്ങള് വരുത്തണമായിരുന്നു. ഇതിനെതിരെ പ്രതിഷേധം ശക്തമായതോടെയാണ് സര്ക്കാര് വിഷയത്തില് ഇടപെട്ടത്. സര്ക്കാരിന്റെ അഭ്യര്ത്ഥന മാനിച്ചാണ് ക്രിക്കറ്റ് മത്സരം തിരുവനന്തപുരത്ത് വച്ചു നടത്തുന്നതെന്ന് കെ.സി.എ സെക്രട്ടറി ജയേഷ് ജോര്ജ് മാധ്യമങ്ങളോട് പറഞ്ഞു.