തിരുവനന്തപുരം:ക്രിക്കറ്റ് തിരുവനന്തപുരത്തു നടത്തണമെന്ന് അഭിപ്രായപ്പെട്ട സച്ചിന് ടെന്‍ഡുല്‍ക്കറിന് വിക്കറ്റ് ഒരുക്കുന്നതിനെക്കുറിച്ച് അറിയില്ലെന്ന് കെസിഎ സെക്രട്ടറി ജയേഷ് ജോര്‍ജ്ജ്. തെറ്റായ ധാരണയുടെ അടിസ്ഥാനത്തിലായിരിക്കാം കൊച്ചിയില്‍ ഫുട്‌ബോള്‍ മാത്രം മതിയെന്ന് അഭിപ്രായപ്പെട്ടത്. ബ്ലാസ്റ്റേഴ്‌സിന്റെ സഹ ഉടമ ആയതിനാല്‍ ഹോം ഗ്രൗണ്ട് നഷ്ടപ്പെടുമെന്ന ആശങ്കയും ട്വീറ്റിന് പിന്നിലുണ്ടാകുമെന്നും ജയേഷ് ജോര്‍ജ്ജ് പറഞ്ഞു.
ഇപ്പോള്‍ ഉണ്ടായത് അനാവശ്യ വിവാദം മാത്രമാണ്. ഫുട്‌ബോള്‍ ടര്‍ഫ് തകര്‍ക്കുമെന്ന വാദം ക്രിക്കറ്റ് പിച്ച് ഇല്ലാതാക്കിയ സംഭവത്തിലും ബാധകമാണ്. സച്ചിന് ഉള്‍പ്പെടെ കളിച്ച ക്രിക്കറ്റ് പിച്ച് നശിപ്പിച്ചാണ് ഐഎസ്എല്ലിന് വേദി ഒരുക്കിയത്. എന്നാല്‍ ആ സമയത്ത് തങ്ങള്‍ വിവാദമുണ്ടാക്കാനും പ്രശ്‌നമുണ്ടാക്കാനും നിന്നില്ലെന്നും അദ്ദേഹം കൂട്ടിച്ചേര്‍ത്തു.
