DefenceIndia

ഒടുവിൽ സൈനികർക്ക് ബുള്ളറ്റ് പ്രൂഫ് ജാക്കറ്റുകൾ

ന്യൂഡല്‍ഹി: കരസേനയില്‍ പ്രവര്‍ത്തിക്കുന്ന സൈനികര്‍ക്ക് ബുള്ളറ്റ് പ്രൂഫ് ജാക്കറ്റുകള്‍ വേണമെന്ന ആവശ്യം ഒമ്പത് വര്‍ഷങ്ങള്‍ക്ക് ശേഷം നടപ്പിലാക്കുന്നു. മെയ്ക്ക് ഇന്‍ ഇന്ത്യ പദ്ധതിയില്‍ ഉള്‍പ്പെടുത്തിയാണ് 1.86 ലക്ഷം ബുള്ളറ്റ് പ്രൂഫ് ജാക്കറ്റുകള്‍ അനുവദിക്കാനൊരുങ്ങുന്നത്. ഡല്‍ഹി ആസ്ഥാനമായി പ്രവര്‍ത്തിക്കുന്ന എസ്.എം.പി.പി പ്രൈ.ലിമിറ്റഡ് എന്ന കമ്പനിയാണ് ജാക്കറ്റുകള്‍ നിര്‍മിക്കുന്നത്. കമ്പനിയുമായി ഇതിനുള്ള കരാറില്‍ പ്രതിരോധ മന്ത്രാലയം ഒപ്പുവച്ചു. 639 കോടി രൂപയ്ക്കാണ് കരാറില്‍ ഒപ്പു വച്ചിരിക്കുന്നത്.

മൂന്ന് വര്‍ഷത്തിനുള്ളില്‍ എല്ലാ ജാക്കറ്റുകളും വിതരണം ചെയ്യാനാണ് കമ്പനി ലക്ഷ്യമിടുന്നത്. ആര്‍മിയുടെ കര്‍ശന നിര്‍ദ്ദേശങ്ങള്‍ പാലിച്ചു കൊണ്ടാണ് ജാക്കറ്റുകളുടെ നിര്‍മാണം. ബാലിസ്റ്റിക് സംരക്ഷണത്തിനുള്ള ബോറോണ്‍ കാര്‍ബൈഡ് സെറാമിക് ജാക്കറ്റിലുണ്ടാകും. ഇവയ്ക്ക് തീരെ ഭാരം കുറവായിരിക്കും. ഹാര്‍ഡ് സ്റ്റീല്‍ കോര്‍ ബുള്ളറ്റുകളില്‍ നിന്ന് സംരക്ഷണം നല്‍കാനും ഇവയ്ക്ക് സാധിക്കും.

2009ല്‍ 1.86 ലക്ഷം ബുള്ളറ്റ് പ്രൂഫ് ജാക്കറ്റുകള്‍ക്ക് സര്‍ക്കാര്‍ അനുമതി കൊടുത്തെങ്കിലും ആര്‍മി നടത്തിയ ട്രയല്‍ ആര്‍ക്കും പൂര്‍ത്തിയാക്കാന്‍ കഴിഞ്ഞിരുന്നില്ല. വിവിധ ടെസ്റ്റുകള്‍ ഉള്‍പ്പെടുത്തിയുള്ള ട്രയലില്‍ ഒരാള്‍ക്ക് മാത്രമാണ് ആദ്യ ഘട്ടമെങ്കിലും കടക്കാനായത്. എന്നാല്‍ ഇവര്‍ അടുത്ത ഘട്ടത്തില്‍ പരാജയപ്പെട്ടു. ഇതു മൂലം കരാര്‍ നല്‍കുന്നത് നീണ്ടു പോവുകയായിരുന്നു.

2016 മാര്‍ച്ചില്‍ അടിയന്തരഘട്ടങ്ങളിലേക്കായി 50,000 ബുള്ളറ്റ് പ്രൂഫ് ജാക്കറ്റുകള്‍ സൈന്യം വാങ്ങിയിരുന്നു. എന്നാലിത് 3.5 ലക്ഷത്തോളം വരുന്ന സൈനികര്‍ക്ക് പ്രയോജനം ചെയ്തിരുന്നില്ല

9K Shares

Please scroll down for comments

Close
Close