ബംഗളൂരു: ബംഗളൂരു ക്രിക്കറ്റ് ടെസ്റ്റിൽ അഫ്ഗാനിസ്ഥാനെതിരെ ഇന്ത്യയ്‌ക്ക് തകർപ്പൻ ജയം. ടെസ്റ്റ് ക്രിക്കറ്റിൽ അരങ്ങേറ്റം കുറിച്ച അഫ്ഗാനിസ്ഥാനെ രണ്ടാം ദിനത്തിൽ ഇന്നിംഗ്സിനും 262 റൺസിനുമാണ് ഇന്ത്യ കീഴടക്കിയത്.
ഒന്നാം ഇന്നിംഗ്സിൽ 109 റൺസിന് ഓൾഔട്ടായ അഫ്ഗാന് രണ്ടാം ഇന്നിംഗ്സിൽ 103 റൺസ് എടുക്കാനെ കഴിഞ്ഞുള്ളു.
രവീന്ദ്ര ജഡേജ രണ്ട് ഇന്നിംഗ്സിലുമായി ആറും അശ്വിൻ അഞ്ചും വിക്കറ്റ് വീഴ്‌ത്തി.
ഇന്ത്യ ഒന്നാം ഇന്നിംഗ്സിൽ 474 റൺസ് എടുത്തിരുന്നു. മുരളി വിജയ് യുടെയും ശിഖർ ധവാന്റെയും സെഞ്ച്വറിയുടെ മികവിലായിരുന്നു ഇന്ത്യ വലിയ സ്കോർ പടുത്തുയർത്തിയത്. 96 പന്തിൽ 107 റൺസ് നേടിയ ശിഖർ ധവാനാണ് കളിയിലെ താരം.
