ഒരു ഉന്നത പോലീസ് ഉദ്യോഗസ്ഥൻ, മകളുടെ കായിക ക്ഷമത ഒരു പോലീസുകാരനിൽ പ്രവർത്തിച്ചതിന്റെ നാണം കെട്ട വർത്തമാനത്തിൽ നിന്ന് നമ്മൾ ഇപ്പോഴും മോചിതരായിട്ടില്ല. ഈ ബഹളത്തിനിടയിൽ അതിലും നാണം കെട്ട ചില കാര്യങ്ങൾ നമ്മൾ കാണാതെ പോകരുത്.
ഒരു സ്ത്രീ സംഘടനയോ സ്ത്രീസംഘടനയിൽപ്പെട്ട ഒരാളോ ഈ പ്രവൃത്തിയെ അപലപിച്ചിട്ടില്ല എന്നതാണത്. സ്ത്രീ സ്വാതന്ത്ര്യത്തെക്കുറിച്ച് വാ തോരാതെ സംസാരിക്കുന്ന ഫെമിനിസ്റ്റുകളൊന്നും സ്ത്രീയുടെ സ്വാതന്ത്ര്യത്തിന്റെ ഈ പാരമ്യത്തെക്കുറിച്ച് ഒന്നും സംസാരിച്ചില്ല. അവരുടെ ഫേസ് ബുക്ക് പേജുകളിൽ പിറന്നാളും മഴക്കാലവും മഹാൻമാരുടെ വചനങ്ങളുമൊക്കെയാണ്.
സ്ത്രീയെ ചവിട്ടി മെതിക്കുന്ന സാമൂഹിക സാഹചര്യങ്ങളെ എതിർക്കുമ്പോൾത്തന്നെ, അതേ സ്ത്രീ അന്യന്റെ സ്വാതന്ത്ര്യത്തിൽ കൈകടത്തുന്നതും അപലപിക്കപ്പെടേണ്ടത് തന്നെയല്ലേ?അതോ അതും സ്വാതന്ത്ര്യമായി ഇവർ തെറ്റിദ്ധരിച്ചോ? കൊടിയുടെ നിറങ്ങൾക്കും ലാഭേച്ഛകൾക്കും മുകളിലാണ് തങ്ങളുടെ സ്ത്രീബോധം എന്ന് എപ്പോഴും പറയുന്ന ഫെമിനിസ്റ്റ് സിംഹങ്ങളെ ഈ വിഷയം ഓർമ്മിപ്പിക്കുന്നതും ഇനി സ്ത്രീവിരുദ്ധതയാണെന്ന് പറയുമോ?
[author title=”രേണുക മേനോൻ” image=”https://janamtv.com/wp-content/uploads/2018/06/renuka-menon.png”]ചീഫ് സബ് എഡിറ്റർ – ജനം ടിവി[/author]
