മോസ്കോ: ആവേശം നിറഞ്ഞ മത്സരത്തില് രണ്ടിനെതിരെ മൂന്നു ഗോളുകള്ക്ക് ജപ്പാനെ മറികടന്ന് ബെല്ജിയം ക്വാര്ട്ടറില് കടന്നു. രണ്ടു ഗോളുകള്ക്കു മുന്നിട്ടു നില്ക്കുകയായിരുന്ന ജപ്പാനെ ഇഞ്ചുറി ടൈമിലെ ഗോളിലൂടെ ബെല്ജിയം മറികടക്കുകയായിരുന്നു. വെള്ളിയാഴ്ച നടക്കുന്ന ക്വാര്ട്ടറില് ബ്രസീലാണ് ബെല്ജിയത്തിന്റെ എതിരാളി.
ഗോള് രഹിതമായ ആദ്യ പകുതിക്ക് ശേഷമാണ് കളിയിലെ അഞ്ചു ഗോളുകളും പിറക്കുന്നത്. 48ാം മിനിട്ടില് ഹരഗൂച്ചിയും 52ാം മിനിട്ടില് ഇനൂയിയും നേടിയ ഗോളിലൂടെ ജപ്പാന് മുന്നിലെത്തി. 69ാം മിനിട്ടില് വെര്ട്ടോംഗനാണ് ബെല്ജിയത്തിന് വേണ്ടി ആദ്യ ഗോള് നേടുന്നത്. 74ാം മിനിട്ടില് മൊറെയ്ന് ഫെല്ലെയ്നിയും (90+4)ാം മിനിട്ടില് ചാഡ്ലിയും ഗോള് നേടിയതോടെ ജപ്പാന്റെ ലോകകപ്പ് മോഹങ്ങള്ക്ക് അവസാനമായി. ബെല്ജിയം പരിശീലകന് പകരക്കാരായി പരീക്ഷിച്ചവരാണ് സമനില ഗോള് നേടിയ ഫെല്ലെയ്നിയും വിജയഗോള് നേടിയ ചാഡ്ലിയും.
2002ലും 2010ലും സമാനരീതിയില് ജപ്പാന് പുറത്തായിരുന്നു. ഗ്രൂപ്പ് ഘട്ടം പിന്നിട്ടെങ്കിലും പ്രീക്വാര്ട്ടറില് കീഴടങ്ങുകയായിരുന്നു ജപ്പാന് താരങ്ങള്.