കൊച്ചി: ലാലിഗാ വേൾഡ് പ്രി സീസൺ ഫുട്‍‍ബോളിൽ കേരളാ ബ്ലാസ്റ്റേഴ്സിനെ ഗോൾമഴയിൽ മുക്കി മെൽബൺ സിറ്റി എഫ് സി. മടക്കമില്ലാത്ത ആറു ഗോളുകൾക്കാണ് മെൽബൺ സിറ്റി ബ്ലാസ്റ്റേഴ്സിനെ തകർത്തത്.
ആദ്യ പകുതിയിൽ രണ്ട് ഗോളിന് മുന്നിട്ടുനിന്ന ഓസ്ട്രേലിയൻ ക്ലബ്ല് രണ്ടാം പകുതിയിൽ നാലു ഗോളുകൾ കണ്ടെത്തി. 30 ആം മിനുറ്റിൽ ദാരിയോ വിദോസിച്ചാണ് ഗോൾവേട്ടയ്‌ക്ക് തുടക്കമിട്ടത്. 33 ആം മിനുറ്റിൽ റിലേ മക്രി രണ്ടാം ഗോൾ നേടി. 50 ആം മിനുറ്റിൽ ലാച്‍ലൻ വിൽസി മെൽബണിന്‍റെ ലീഡ് മൂന്നാക്കി.
56 ആം മിനുറ്റിൽ മക്രിയുടെ ഇരട്ട ഗോൾ. 75 ആം മിനുറ്റിൽ രാമി നജരൈന്‍റെ വകയായി അഞ്ചാം ഗോൾ. 79 ആം മിനുറ്റിൽ ബ്രൂണോ ഫൊർണറോലി മെൽബൺ സിറ്റി എഫ് സിയുടെ ഗോൾ പട്ടിക പൂർത്തിയാക്കി.
