ഇടുക്കി: ജലനിരപ്പ് ഉയര്ന്നതിനെ തുടര്ന്ന് മുല്ലപ്പെരിയാര് അണക്കെട്ടിന്റെ ഷട്ടറുകള് തുറന്നു. പുലര്ച്ചെ 2.30 ഓടെ ഡാമിലെ ജലനിരപ്പ് 140 അടിയായതിനെ തുടര്ന്നാണ് അണക്കെട്ട് തുറന്നത്. സ്പില്വേയിലെ 13 ഷട്ടറുകളും ഒരടി വീതം തുറന്നു. ഷട്ടറുകളിലൂടെ 4489 ഘനയടി വെള്ളമാണ് പുറത്തേക്ക് ഒഴുക്കുന്നത്.
ഇന്ന് പുലര്ച്ചെ 1.30 നുള്ള കണക്കുകള് പ്രകാരം ജലനിരപ്പ് 139.70അടി ആയിരുന്നു. വെള്ളം തുറന്നു വിട്ടിട്ടും ജലനിരപ്പില് കുറവ് വന്നിട്ടില്ല. രാവിലെ നാല് മണിക്ക് 140.25 ആണ് ഡാമിലെ ജലനിരപ്പ്.
സമീപപ്രദേശങ്ങളില് ജാഗ്രത നിര്ദ്ദേശം നല്കിയിട്ടുണ്ട്. മുന്കരുതലിന്റെ ഭാഗമായി മഞ്ഞുമല, കുമളി, പെരിയാര്, ഉപ്പുതറ, അയ്യപ്പന്കോവില് എന്നി വില്ലേജുകളില് നിന്നും ജനങ്ങളെ മാറ്റി. ജനങ്ങള് പരിഭ്രാന്തരാകേണ്ട കാര്യമില്ലെന്ന് മന്ത്രി എം എം മണി അറിയിച്ചു. സര്ക്കാരിന്റെ നടപടികളോട് സഹകരിക്കണമെന്നും മന്ത്രി ആവശ്യപ്പെട്ടു.