ഓവൽ: ഓവൽ ക്രിക്കറ്റ് ടെസ്റ്റിൽ ഇന്ത്യയ്ക്ക് 118 റൺസിന്റെ തോൽവി. മൂന്ന് വിക്കറ്റിന് 58 റൺസ് എന്ന നിലയിൽ അഞ്ചാം ദിനം ബാറ്റിംഗ് ആരംഭിച്ച ഇന്ത്യ 346 റൺസിന് ഓൾഔട്ടായി. സെഞ്ചുറി നേടിയ ലോകേഷ് രാഹുലിന്റെയും ഋഷഭ് പന്തിന്റെയും ബാറ്റിംഗ് മികവാണ് തുടക്കത്തിലെ തകർച്ചയിൽ നിന്നും കരകയറ്റിയത്.
117 പന്തിൽ നിന്നുമാണ് കരിയറിലെ കന്നി സെഞ്ചുറി ഋഷഭ് പന്ത് നേടിയത്. 14 ബൗണ്ടറികളും മൂന്ന് സിക്സറുകളും ഉൾപ്പെട്ടതായിരുന്നു ഋഷഭിന്റെ സെഞ്ചുറി. 118 പന്തിൽ നിന്നും ലോകേഷ് രാഹുൽ സെഞ്ചുറി പൂർത്തിയാക്കി. ഇരുവരും ചേർന്ന ആറാം വിക്കറ്റ് കൂട്ട് കെട്ട് 204 റൺസ് കൂട്ടിച്ചേർത്തു.
അഞ്ച് മത്സരങ്ങളുടെ പരമ്പര ഇംഗ്ലണ്ട് 4-1ന് സ്വന്തമാക്കി