മുംബൈ: വെസ്റ്റ് ഇൻഡീസിനെതിരായ ടെസ്റ്റ് പരമ്പരയ്ക്കുള്ള ഇന്ത്യൻ ടീമിനെ പ്രഖ്യാപിച്ചു. ഇംഗ്ലണ്ടിനെതിരായ പരമ്പരയിൽ മോശം പ്രകടനം കാഴ്ചവെച്ച ഓപ്പണർമാരായ ശിഖർ ധവാനെയും മുരളി വിജയിയെയും ടീമിൽ ഉൾപ്പെടുത്തിയില്ല. ഏഷ്യാ കപ്പിൽ ഇന്ത്യയെ നയിച്ച രോഹിത് ശർമ്മയ്ക്കും ടീമിൽ ഇടം നേടാനായില്ല.
യുവതാരങ്ങൾക്ക് കൂടുതൽ അവസരം നൽകുന്ന രീതിയിലാണ് ടീമിനെ തെരഞ്ഞെടുത്തിരിക്കുന്നത്. അണ്ടർ19 ടീം നായകനായും പ്രിഥ്വി ഷായും ആഭ്യന്തര ക്രിക്കറ്റിൽ മികച്ച ഫോമിലുള്ള മായങ്ക് അഗർവാളും ടീമിൽ ഇടം നേടി. ഇവരെ കൂടാതെ ഹനുമ വിഹാരി, റിഷഭ് പന്ത്, മുഹമ്മദ് സിറാജ്, ഷാര്ദുല് താക്കൂര് എന്നിവരും ടെസ്റ്റ് ടീമില് ഉള്പ്പെട്ടിട്ടുണ്ട്.
അജിങ്ക്യ രഹാനെയാണ് ടീമിന്റെ വൈസ് ക്യാപ്റ്റന്. ജസ്പ്രീത് ബൂമ്രയ്ക്കും പരിക്കേറ്റ ഹര്ദിക് പാണ്ഡ്യക്കും ഭുവനേശ്വര് കുമാറിനും വിശ്രമം അനുവദിച്ചിട്ടുണ്ട്. ഒക്ടോബര് നാലു മുതല് രാജ്കോട്ടിലാണ് ആദ്യ ടെസ്റ്റ്.
Indian team: Virat Kohli (captain), KL Rahul, Prithvi Shaw, Mayank Agarwal, C Pujara, Ajinkya Rahane (vc), H Vihari, Rishabh Pant (wk), R Ashwin, R Jadeja, Kuldeep Yadav, M Shami, Umesh Yadav, M Siraj, Shardul Thakur
— BCCI (@BCCI) September 29, 2018