സ്പാനിഷ് ലാലിഗയിൽ സീസണിലെ ആദ്യ എൽ ക്ലാസിക്കോയിൽ റയൽ മാഡ്രിഡിനെ ഗോൾമഴയിൽ മുക്കി ബാഴ്സലോണ. ലൂയി സുവാരസിന്റെ ഹാട്രിക്ക് മികവിൽ ഒന്നിനെതിരെ അഞ്ചു ഗോളുകൾക്കാണ് ബാഴ്സ റയലിനെ കീഴടക്കിയത്.
30, 75, 83 മിനിറ്റുകളിലാണ് സുവാരസ് ഗോളുകൾ നേടിയത്. 11 ആം മിനിറ്റിൽ ഫിലിപ്പ് കുട്ടീന്യോ തുടക്കമിട്ട ഗോൾ വേട്ട 87 ആം മിനിറ്റിൽ അർടുറോ വിദാൽ പൂർത്തിയാക്കി. 50 ആം മിനിറ്റിൽ മാഴ്സലോയാണ് റയലിനായി ആശ്വാസ ഗോൾ കണ്ടെത്തിയത്.
സൂപ്പർ താരം ലയണൽ മെസിയില്ലാതെയാണ് ബാഴ്സ പോരാട്ടത്തിന് ഇറങ്ങിയത്.
