പൂനെ : ഇന്ത്യൻ സൂപ്പർ ലീഗ് ഫുട്ബോളിൽ കേരള ബ്ലാസ്റ്റേഴ്സിന് തുടർച്ചയായ നാലാം സമനില. പൂനെ സിറ്റിയ്‌ക്കെതിരായ മത്സരത്തിൽ ഇരു ടീമുകളും ഓരോ ഗോൾ നേടി. കഴിഞ്ഞ മത്സരത്തിലെ പോലെ തന്നെ ഇത്തവണയും പിന്നിട്ട് നിന്ന ശേഷമായിരുന്നു ബ്ലാസ്റ്റേഴ്സ് സമനില നേടിയത്.
13-ാം മിനിറ്റിൽ മാർക്കോ സ്റ്റാങ്കോവിച്ചിലൂടെയാണ് പൂനെ ലീഡ് നേടിയത്. ആക്രമിച്ചു കളിക്കുന്നതിനിടെയാണ് പ്രത്യാക്രമണത്തിൽ നിന്ന് ബ്ലാസ്റ്റേഴ്സിന്റെ വലയിൽ ഗോൾ വീണത്. ലീഡ് നേടിയതിനാൽ പൂനെ ആക്രമിച്ച് കളിച്ചു. 41-ാം മിനിറ്റിൽ ബ്ലാസ്റ്റേഴ്സിന് സമനില നേടിയെന്ന് തോന്നച്ചെങ്കിലും റഫറി ഗോൾ അനുവദിച്ചില്ല.
61-ാം മിനിറ്റിൽ നിക്കോള ക്രമറവിച്ച് ബ്ലാസ്റ്റേഴ്സിനായി സമനില ഗോൾ നേടി. അഞ്ച് മത്സരങ്ങളിൽ ഒരു ജയവും നാല് സമനിലയുമായി ബ്ലാസ്റ്റേഴ്സ് അഞ്ചാം സ്ഥാനത്താണുള്ളത്.
