ഗയാന: ട്വന്റി 20 ക്രിക്കറ്റിൽ പുതു ചരിത്രം രചിച്ച് ഇന്ത്യയുടെ വനിത താരം മിതാലി രാജ്. വനിത ലോകകപ്പിൽ അയർലന്റിനെതിരായ മത്സരത്തിൽ അർദ്ധ സെഞ്ച്വറി നേടിയ മിതാലി ട്വന്റി 20 ക്രിക്കറ്റിൽ സ്വന്തം രാജ്യത്തിന് വേണ്ടി ഏറ്റവുമധികം റൺസ് നേടുന്ന താരമായി മാറി. മാർട്ടിൻ ഗുപ്റ്റിലിന്റെ റെക്കോഡാണ് മിതാലി മറികടന്നത്.
75 മത്സരങ്ങളിൽ നിന്ന് 2271 റൺസായിരുന്നു ഗുപ്റ്റിൽ നേടിയത്. 85 മത്സരങ്ങളിൽ നിന്നാണ് മിതാലി റെക്കോഡ് തന്റെ പേരിലാക്കിയത്. ഇന്ത്യൻ താരങ്ങളായ രോഹിത് ശർമ്മയെയും വിരാട് കോഹ് ലിയെയും മിതാലി മറികടന്നിരുന്നു. 2207 റൺസാണ് രോഹിത്തിനുള്ളത്. 2102 റൺസാണ് ഇന്ത്യൻ നായകൻ കോഹ് ലിയ്ക്കുള്ളത്.
56 പന്തിൽ നിന്നാണ് ഇന്ന് മിതാലി 51 റൺസെടുത്തത്.
