ന്യൂഡൽഹി: ജനുവരിയിൽ യുഎഇയിൽ വച്ച് നടക്കാനിരിക്കുന്ന ഏഷ്യൻ കപ്പ് ഫുട്ബാളിനുള്ള ഇന്ത്യൻ ടീമിന്റെ സാധ്യതാലിസ്റ്റ് പുറത്തുവിട്ടു. കേരളബ്ലാസ്റ്റേഴ്സിന്റെ മിഡ്ഫീൽഡർ ആയ ഇരുപത്തൊന്നുകാരൻ സഹൽ അബ്ദുൽ സമദും എടികെയുടെ പതിനെട്ടുവയസുകാരൻ കോമള തട്ടലും സാധ്യതാലിസ്റ്റിൽ ഇടം നേടി.
ഇന്ത്യൻ സൂപ്പർ ലീഗിലെ കൃത്യതയാർന്ന പ്രകടനം കൊണ്ട് ശ്രദ്ധ നേടിയവരാണ് ഇരുവരും. സുനിൽ ഛേത്രി , സന്ദേശ് ജിംഗൻ, ഗുർപ്രീത് സിംഗ് എന്നിവരും ടീമിലുണ്ട്. ബ്ലൂ ടൈഗേഴ്സ് ഗ്രൂപ്പ് എയിൽ ആണ് ഉൾപെട്ടിട്ടുള്ളത്. ജനുവരി ആറിന് തായ്ലണ്ടിനെതിരായി അബുദാബിയിലെ നഹ്യാൻ സ്റ്റേഡിയത്തിൽ വച്ചാണ് ടീമിന്റെ ആദ്യ മത്സരം. നാലു ദിവസത്തിന് ശേഷം യുഎഇയുമായും ടീം ഏറ്റുമുട്ടും. ടീമിന്റെ ആദ്യഘട്ട മത്സരത്തിലെ അവസാന മത്സരം ബഹറിനുമായി ജനുവരി പതിനാലിന് നടക്കും.
34 പേരുടെ സാധ്യത പട്ടിക
ഗോൾ കീപ്പേഴ്സ് : ഗുർപ്രീത് സിംഗ്, അമരീന്ദർ സിംഗ്, അരിന്ദം ഭട്ടാചാര്യ, വിശാൽ കൈത്.
ഡിഫൻഡേഴ്സ്: പ്രീതം കോട്ടാൽ, സർതാക് ഗോലി, സന്ദേശ് ജിങ്കൻ, അനസ് എടത്തൊടിക, സലം രഞ്ജൻ സിംഗ്, സുഭാഷിഷ് ബോസ്, നാരായൺ ദാസ്, നിഷു കുമാർ, ലാൽറുത്താറ, ജെറി ലാൽറിൻസുല
മിഡ്ഫീൽഡേഴ്സ്: ഉദാന്ത സിംഗ്, നിഖിൽ പൂജാരി, പ്രൊനായ് ഹാൽഡർ, റൗളിങ് ബോർഗിസ്, അനിരുദ്ധ് താപ്പ, വിനീത് റായ്, ഹാലിച്ചരൻ നർസാരി, ആഷിഖ് കുരുണിയാൻ, ജർമൻപ്രീത് സിംഗ്, ബികാഷ് ജൈരു, ലാലിയൻസുല്ല ചാങ്തെ,സഹൽ അബ്ദുൽ സമദ്, കോമൾ തട്ടാൽ, ജാക്കിചാന്ദ് സിംഗ്.
ഫോർവേഡ്: സുനിൽ ഛേത്രി, ജെജെ ലാൽപെഖ്ലുഅ, സുമീത് പാസ്സി, ഫാറൂഖ് ചൗധരി, ബൽവന്ത് സിംഗ്, മൻവീർ സിംഗ്
