പെർത്ത്: പെർത്ത് ക്രിക്കറ്റ് ടെസ്റ്റിൽ ഓസ്ട്രേലിയ ഭേദപ്പെട്ട നിലയിൽ. ടോസ് നേടി ആദ്യം ബാറ്റ് ചെയ്ത ഓസിസ് ആദ്യ ദിനം കളി നിർത്തുമ്പോൾ ആറ് വിക്കറ്റിന് 277 റൺസ് എന്ന നിലയിലാണ്. അർദ്ധ സെഞ്ചുറി നേടിയ ഓപ്പണർമാരായ മാർകസ് ഹാരിസും അരോൺ ഫിഞ്ചും ഓസിസിന് മികച്ച തുടക്കം നൽകി.
ഹാരിസ് 70 ഉം ഫിഞ്ച് 50 ഉം റൺസ് എടുത്തു പുറത്തായി. 148 റൺസിനിടെ നാല് വിക്കറ്റ് നഷ്ടമായ ഓസ്ട്രേലിയയെ 58 റൺസ് എടുത്ത ട്രവിസ് ഹെഡിന്റെയും 45 റൺസ് എടുത്ത ഷോൺ മാർഷിന്റെയും ചെറുത്തുനിൽപ്പാണ് കരകയറ്റിയത്.
ഇന്ത്യക്ക് വേണ്ടി ഇഷാന്ത് ശർമ്മയും ഹനുമ വിഹാരിയും രണ്ട് വിക്കറ്റ് വീതം വീഴ്ത്തി.