ലണ്ടൻ: ഒലേ ഗണ്ണർ സോൾഷേർ മാഞ്ചസ്റ്റർ യുണൈറ്റഡിന്‍റെ പുതിയ പരിശീലകനാകും. യുണൈറ്റഡിലെ മുൻ താരമായിരുന്ന സോൾഷേറിനെ ഈ സീസൺ പൂ‍ർത്തിയാകും വരെയാണ് പരിശീലകനായി നിയമിച്ചത്. ക്ലബ്ബിന്‍റെ ഔദ്യോഗിക വെബ്ബ് സൈറ്റിലൂടെയാണ് വിവരം പുറത്ത് വിട്ടത്.
We can confirm that Ole Gunnar Solskjaer has been appointed as caretaker manager until the end of the 2018/19 season.
He will be joined by Mike Phelan as first-team coach, together with Michael Carrick and Kieran McKenna. #MUFC
— Manchester United (@ManUtd) December 19, 2018
1996 മുതൽ 2007 വരെ മാഞ്ചസ്റ്റർ യുണൈറ്റഡിനായി ബൂട്ടുകെട്ടിയ ഈ നോർവീജിയൻ താരം ടീമിനായി 366 മത്സരങ്ങളിൽ 126 ഗോളുകൾ നേടിയിട്ടുണ്ട്. 1999 ലെ ചാമ്പ്യൻസ് ലീഗ് ഫൈനലിൽ ബയേൺ മ്യൂണിക്കിനെതിരെ യുണൈറ്റഡിന്‍റെ വിജയ ഗോൾ നേടിയ താരമാണ് സോൾഷേർ. ഞായറാഴ്ച കാർഡിഫ് സിറ്റിക്കെതിരെ നടക്കുന്ന മത്സരത്തിനായുള്ള ടീമിനെ പരിശീലിപ്പിക്കുക പുതിയ പരിശീലകനായിരിക്കും.
ഇംഗ്ലീഷ് പ്രീമിയർ ലീഗിൽ ടീമിന്‍റെ മോശം പ്രകടനത്തെ തുട‍ർന്ന് ഹൊസെ മൗറിന്യോയെ പരിശീലക സ്ഥാനത്ത് നിന്നും പുറത്താക്കിയിരുന്നു. എന്നാൽ മൗറീഞ്ഞോ പുറത്തായെങ്കിലും അദ്ദേഹത്തിനൊപ്പം പരിശീലക സംഘത്തിലുണ്ടായിരുന്ന മൈക്കിൾകാരിക്കും, മക് കെന്നയും സോൽഷെയറിനൊപ്പവും തുടരും.
