ന്യൂഡൽഹി: യുഎഇയിൽ വച്ച് നടക്കാനിരിക്കുന്ന എഎഫ്സി ഏഷ്യൻ കപ്പ് ഫുട്ബാളിനുള്ള ഇന്ത്യൻ ടീമിന്റെ ജഴ്സി അടക്കമുള്ള കിറ്റ് അവതരിപ്പിച്ചു. ഇന്ത്യൻ ഫുട്ബോൾ ടീമിന്റെ ഒപ്പം നിന്ന് പിന്തുണക്കുന്ന ഫാൻസിനുള്ള ആദരവ് സൂചിപ്പിക്കുന്നതാണ് നീലക്കടുവകളുടെ പുതിയ ജഴ്സിയിലെ വരകൾ. ജഴ്സി ഇതിനോടകം സമൂഹമാദ്ധ്യമങ്ങളിൽ തരംഗമായിക്കഴിഞ്ഞു.
ഇന്ത്യൻ സൂപ്പർ ലീഗിലെ എല്ലാ ടീമുകളും ഇന്ത്യൻ ടീം ഏഷ്യൻ കപ്പ് നേടുക എന്ന വിലമതിക്കാനാകാത്ത ലക്ഷ്യത്തോട് ഐക്യദാര്ഢ്യം പ്രഖ്യാപിച്ചിട്ടുണ്ട്. ദേശീയ ടീമിന് ഐക്യദാർഢ്യം പ്രഖ്യാപിച്ച് ഐഎസ്എല്ലിലെ എല്ലാ ടീമുകളും തങ്ങളുടെ സാമൂഹിക മാദ്ധ്യമ അക്കൗണ്ടുകളുടെ പ്രൊഫൈൽ പിക്ചർ മാറ്റിയിട്ടുണ്ട്.
വരാനിരിക്കുന്ന ഏഷ്യൻ കപ്പ് മത്സരത്തിൽ അബുദാബിയിൽ വച്ച് ജനുവരി ആറിന് ഇന്ത്യ തായ്ലണ്ടിനെ നേരിടും. നാലു ദിവസത്തിനു ശേഷം യുഎഇയെയും പിന്നീട് ജനുവരി പതിനാലിന് ബഹ്റിനെയും നേരിടും.
