Sports

ടെസ്റ്റ് പരമ്പര വിജയം 2011ലെ ലോകകപ്പ് വിജയത്തെക്കാള്‍ വലുത്- വിരാട് കോഹ്‌ലി

സിഡ്‌നി: ഓസ്‌ട്രേലിയയ്‌ക്കെതിരെ നേടിയ ടെസ്റ്റ് പരമ്പര വിജയം 2011ലെ ലോകകപ്പ് വിജയത്തെക്കാള്‍ വലുതാണെന്ന് ക്യാപ്റ്റന്‍ വിരാട് കോഹ്‌ലി. എം.എസ്.ധോണിയുടെ കീഴില്‍ ഇന്ത്യ ലോകകപ്പ് നേടുന്ന സമയത്ത് ഞാനായിരുന്നു ടീമിലെ ഏറ്റവും ജൂനിയര്‍. ലോകകപ്പ് നേടിയപ്പോള്‍ ടീമിലെ സീനിയര്‍ താരങ്ങളില്‍ പലരും വികാരഭരിതരാകുന്നത് നേരില്‍ കണ്ടിരുന്നു. ഇന്ന് അതേ വികാരങ്ങളിലൂടെയാണ് താന്‍ കടന്നു പോകുന്നതെന്നും വിരാട് കോഹ്‌ലി പറഞ്ഞു. മത്സരശേഷം നടന്ന സമ്മാനദാനച്ചടങ്ങിനിടെയായിരുന്നു കോഹ്‌ലിയുടെ വാക്കുകള്‍.

ഒരു ടീമെന്ന നിലയില്‍ ഈ വിജയം ഇന്ത്യന്‍ ടീമിന് പുതിയൊരു മുഖം നല്‍കും. കഴിവുറ്റ ഒരു കൂട്ടം താരങ്ങളെ നയിക്കാന്‍ കഴിഞ്ഞതില്‍ അഭിമാനമുണ്ട്. കഴിഞ്ഞ ഒരു വര്‍ഷത്തെ അധ്വാനത്തിന്റെ ഫലമാണിത്. ടീം ഇന്ത്യയുടെ കാര്യത്തില്‍ ഇതൊരു ചവിട്ട് പടിയാണ്. ടീം അംഗങ്ങളുടെ ശരാശരി പ്രായം വളരെ ചെറുതാണ്. ഇതുപോലുള്ള കളിക്കാരുടെ നായകനാകാന്‍ സാധിക്കുന്നു എന്നത് തന്നെ ഒരു അംഗീകാരമാണ്. ഇത് ആസ്വദിക്കേണ്ട നിമിഷമാണെന്നും കോഹ്‌ലി പറഞ്ഞു.

1K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close