MovieEntertainment

തലൈവറുടെ മാസ് എന്‍ട്രി വീണ്ടും: പഞ്ച് ഡയലോഗുകളുമായി തിയേറ്ററുകള്‍ പൂരപ്പറമ്പാക്കി പേട്ട എത്തി

കട്ട രജനി ഫാനായ കാര്‍ത്തിക് സുബ്ബാജ് ഒരുക്കിയ പേട്ട ഫാന്‍സിന്റെ പ്രതീക്ഷ തെറ്റിച്ചില്ല. തലൈവരുടെ കൊലമാസ് ഡയലോഗുകളും ഈസി ലുക്കും ഇത്തവണയും ഹിറ്റ്. ‘ഇന്ത ആട്ടം പോതുമാ… കണ്ണ്’ എന്ന അണ്ണന്റെ പഞ്ച് ഡയലോഗ് പ്രേക്ഷകര്‍ ഏറ്റെടുത്തു കഴിഞ്ഞു. ചിത്രം ഒരു ആക്ഷന്‍ കോമഡി ബ്ലന്‍ഡ് ആണെന്ന് വേണമെങ്കില്‍ പറയാം.

ഊട്ടിയിലെ ഒരു കോളേജിന്റെ പശ്ചാത്തലത്തിലാണ് ചിത്രം ഒരുക്കിയിരിക്കുന്നത്. ഹോസ്റ്റല്‍ വാര്‍ഡനായ താരം റാഗിങ്ങിനിരയായ യുവാവിന്റെ രക്ഷകനായി മാസ് എന്‍ട്രി നടത്തുന്നു. സ്വതസിദ്ധമായ ശൈലിയാല്‍ ഇത്തവണയും അണ്ണന്‍ തകര്‍ത്തു. രജനിയുടെ ഇടപെടലില്‍ കോളേജില്‍ അച്ചടക്കം പുനസ്ഥാപിക്കുന്നതിലൂടെ ചിത്രം പുരോഗമിക്കുന്നു.

രജനിയുടെ താര പ്രഭാവത്തോടൊപ്പം നവാസുദ്ദീന്‍ സിദ്ധിഖിയുടേയും വിജയ്‌സേതുപതിയുടേയും അല്പം നെഗറ്റീവ് ടച്ചുള്ള കോമ്പിനേഷന്‍ സീനുകളും കൂടിയായപ്പോള്‍ ചിത്രത്തിന് വേണ്ട രസക്കൂട്ടുകള്‍ തികഞ്ഞു.

ചിത്രത്തിലെ നായികാ കഥാപാത്രങ്ങള്‍ അവതരിപ്പിച്ച സിമ്രാനും ത്രിഷയ്ക്കും നാമമാത്രമായ പങ്കേ ചിത്രത്തില്‍ ലഭിച്ചിട്ടുള്ളൂ.

ചിത്രത്തില്‍ സംഗീതസംവിധാനം ഒരുക്കിയ അനിരുദ്ധ് രവിചന്ദ്രന്റെ കഴിവ് പരാമര്‍ശിക്കാതെ വയ്യ. രജനി ചിത്രത്തിന് വേണ്ട സംഗീത ചേരുവകള്‍ ഒരുക്കുന്നതില്‍ അനുരുദ്ധ് വിജയം കണ്ടു.

ചിത്രം ഷൂട്ട് ചെയ്തിരിക്കുന്നത് ഡെറാഡൂണിലാണ്. താഴ്‌വരയുടെ ഭംഗി മുഴുവന്‍ ചിത്രത്തില്‍ ഒപ്പിയെടുത്തിട്ടുണ്ടെന്നു തന്നെ പറയാം.

പതിവ് രജനി ചിത്രങ്ങള്‍ പോലെത്തന്നെ ഇത്തവണയും രാവിലെ നാലു മണിക്ക് ചിത്രത്തിന്റെ ഷോ ആരംഭിച്ചു. ജനുവരിയിലെ പുലര്‍ക്കാല തണുപ്പിനെപ്പോലും വകവയ്ക്കാതെ അതിരാവിലെ തന്നെ ഫാന്‍സ് ഷോ നടന്നു.

24 വര്‍ങ്ങള്‍ക്ക് മുന്‍പ് ഒരു പൊങ്കല്‍ ദിവസമായിരുന്നു ബാഷയെന്ന മെഗാഹിറ്റ് ചിത്രം പുറത്തിറങ്ങിയത്. ഇന്നും പ്രേക്ഷകര്‍ നെഞ്ചേറ്റുന്ന ബാഷപോലെത്തന്നെ ചരിത്രത്തില്‍ ഇടം നേടുന്ന പൊങ്കല്‍ ചിത്രം തന്നെയാകും പേട്ടയെന്ന കാര്യത്തില്‍ സംശയം വേണ്ട.

അതേസമയം, തല അജിത്തിന്റെ പൊങ്കല്‍ ചിത്രം വിശ്വാസവും ഇന്ന് റിലീസ് ചെയ്തു. ചിത്രത്തെക്കുറിച്ച് മോശമല്ലാത്ത റിപ്പോര്‍ട്ടുകളാണ് പുറത്ത് വന്നുകൊണ്ടിരിക്കുന്നത്.

2K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close