തിരുവനന്തപുരം: ഈ മാസം 16 മുതല് പ്രഖ്യാപിച്ചിരിക്കുന്ന കെഎസ്ആര്ടിസി പണിമുടക്ക് ഒഴിവാക്കാന് ജീവനക്കാരുമായി ചർച്ച നടത്തുമെന്ന് കെഎസ്ആര്ടിസി എംഡി ടോമിൻ ജെ തച്ചങ്കരി . പണിമുടക്കിലേയ്ക്ക് ജീവനക്കാർ നീങ്ങില്ലെന്നാണ് പ്രതീക്ഷയെന്നും അദ്ദേഹം വ്യക്തമാക്കി.
മന്ത്രിമാരുടെ നേതൃത്വത്തിലുണ്ടാക്കിയ ഒത്തുത്തീര്പ്പ് വ്യവസ്ഥകള് പാലിക്കാതിരുന്നതോടെയാണ് ജീവനക്കാര് പണിമുടക്കിലേക്ക് നീങ്ങാന് തീരുമാനിച്ചത്. സംയുക്ത ട്രേഡ് യുണിയന്റേതാണ് തീരുമാനം. കെഎസ്ആര്ടിസിയില് നിന്ന് പിരിച്ച് വിട്ട മുഴുവന് താത്കാലിക ജീവനക്കാരെ തിരിച്ചെടുക്കണമെന്നുള്ള ആവശ്യവും ജീവനക്കാര് ഉന്നയിക്കുന്നുണ്ട്.
ഏകദേശം 3,861 കണ്ടക്ടർമാർക്കാണ് ജോലി നഷ്ടപ്പെട്ടത്. പിരിച്ചുവിട്ട നടപടി അശാസ്ത്രീയമെന്നാരോപിച്ച് സുപ്രീംകോടതിയിൽ എംപാനലുകാർ ഹർജി നൽകിയിട്ടുണ്ട്.